VOV4.K’ho - Kơnờm geh lơh bal dơle\ ala\ broa\ lơh  lòt bal mờ cau lơh broa\ sa, ngan la broa\ tam jàu bơta jak chài  bơta tàm tam, sền gàr, geh  lơh bal mờ ala\ mpồl, mpồl lơh sa ka\ bro lơh broa\ sa suơn sre, lơh geh broa\ lơh sa lam lài nàng  geh lơh ua\....tus tu\ do, Lâm Đồng la càr  sơnrờp tàm Tây Nguyên  tàm bơta mut lơh tam pa wơl kơphe  bơh Gơnoar atbồ lơgar dê.

            Tơngai lài,  bơdĩh mờ broa\ geh  ai càn pria\ ua\,  lơh pràn tam jàu  bơta jak chài pa tàm  broa\ tam, bơkiar ntê,  gah lơh broa\ sa suơn sre càr Lâm Đồng  gam geh lơh bal mờ ala\ mpồl, mpồl lơh sa ka\ bro tàm càr lơh niam   ua\ ngan broa\ lơh ai tam pa wơl,  lơh kơnòm pa wơl suơn kơphe mờ sơnưm điều hoà sinh trưởng RIC10WP,  tơnơ\ hơ\ geh lơh ua\ tàm ala\ tiah  tam ua\ ngan kơphe bơh càr dê.

            Bơh broa\ lơh do, tus tu\ do,  ua\ ba\ kơphe tàm càr Lâm Đồng  tôlah neh sang jơh suơn kơphe, den kơphe neh  dờng pràn wơl,  plai geh bơh 5 tus 7 tấn tàm dùl lồ. Ồng Nguyễn Văn Tuất dùl na\ cau lơh broa\ sa tam kơphe tàm kơnhoàl Lâm Hà, càr Lâm Đồng  đơs:“Tu\ lài, suơn kơphe hìu nha\ bulah neh sơng ka sền  gàr mờ geh ua\ ngan kung mìng di 3 tấn lơm. Mơya bơh tu\ a` geh  ai  ù  cèng mblàng, hơ\ sồng geh go\ gơ di pal mơd sơnơm điều hoà sinh trửơng RIC10WP den tàng neh ngui. Tu\ do,  neh gơ guh geh tus rlau 5 tấn tàm tơl lồ”.

            Jat ồng Trần Đình Anh Ngọc kuang jat jơng atbồ mpồl lơh broa\ sa Khoa Đăng, ngui sơnơm do geh dong kơphe lì bơkàu trơ gùm bal,  gơ geh  tơngguh broa\ tơt plai, kơryan bơta gơbàn gơjrù plai tàm kàl mìu,  kơphe geh cat  rơyas pràn mờ kơryan ngan gơ   ồm rơyas,  pàl nha. Cồng nha lơh geh  gơ guh rlau mờ suơn kơphe geh pơndrờm bơh  800 kg tus 1 tấn dùl tàm dùl lồ. Tu\ do,  phan  do neh  geh ai ngui tàm broa\  lơh ai tam pa wơl kơphe bơh càr Lâm Đồng:“Phan sơnơm điều hoà sinh trưởng geh dong tờm cat rơyas,  cat nha, bơkàu, ntê niam rlau, tơnguh cồng nha geh niam rlau mờ geh tơnjo\ sơnam kis bơh kơphe neh plai. Bơh broa\ lơh lam lơh lài ala\ broa\ kơh den a` sùm  sền jat ngan tơl mờ broa\ tam phan làng bol dê kờ` bol a` geh lơh thàn bàn mo ai tơlik ala\ broa\ lơh sa dong mblàng bè bơta chài. Kờ` làng bol tàm broa\ ngui phan  kung bè tàm bơta tam kơphe lơh mbè lơi nàng lơh geh cồng nha tàm broa\ tam kơphe jơnhua ngan rlau jơh”.

            Jat ồng Nguyễn Văn Sơn,  kuang jat  jơng atbồ gah lơh broa\ sa mờ bơtàu tơngguh [òn lơgar càr Lâm Đồng, do geh  sền la dùl tàm ala\ broa\ lơh niam ngan, dong cau tam  kơphe tàm càr geh lơh niam wơl suơn kơphe neh kra,   dờng ờ pràn,  cồng nha lơyah gơs suơn kơphe kơnòm wơl,  gơs niam,  tơngguh cồng nha lơh sa, bơtàu tơngguh pria\ geh mờ bơtàu  rài kis. Pơ gồp bal tàm cồng nha bal bơh broa\ lơh mut lơh broa\ lơh tam pa wơl kơphe bơh gơnoar atbồ lơgar tàm càr. Ồng  Nguyễn Văn Sơn đơs:“Tàm bơta geh lơh bal mờ ala\ mpồl lơh sa ka\ bro geh ngui ala\ chế phẩm sinh học, bè sơnơm điều hoà sinh trưởng RIC10WP neh geh mut lơh ua\ ngan broa\ lơh mùl màl tàm lơh sa tàm suơn bơh cau tam dê. Bơh geh sền wơl den bol a` go\ do la phan niam ngan,  kơryan geh bơta gơbàn kòp pàl nha mờ gơ jrùh plai bơh suơn kơphe, mơ kung geh tơnjo\ tơngai kis dờng plai bơh tờm kơphe”.

                        Cau cih mờ yal tơnggit K’ Brọp