VOV4.K’ho- Bơh g^t nđờ rài do kòn cau M’nông tàm Dak Nông sùm kis tàm bơta jơm glòm, dong kờl bal bơh brê bơ nơm dê. Brê ai pà ua\ phan ngui sa kuơ màng bè bia\p, gòl, bang, blơn bơ tang, sềm, phan poan jơng tàm brê… tàm hơ\ pal đơs tus bùm tung. Ờ mìng dong kờl tàm tu\ jơgloh, bùm tung gam geh ua\ ngan bơta pràn bơkah, gơ gơs là phan sa bơkah tàm hìu bơnhă dê. Uă rơnàng cau M’nông dờng pràn bơh bơta lơngồt bơkah bơh bùm tung dê.

Tờm bùm tung gơ wèt jơi poal, bal mờ jơi bùm preh, să lơiang, geh dùl ết gùng, dà pơr hê phồng, sùm geh ală bùm dềt tàm dơlam bồ nha. Rơyas bùm dùl nơm halà 2 nơm, gơ mut jrô ngan tàm ù tus g^t nđờ thơk. Kơmhò lơhơ đah bơdìh kò bơr kuh, gùt dar geh ală rơyas dềt, ua\ jat să tờm bùm bè tơrnò.

Bùm tung tàm sơlào piang ờs mờng bơh kòn cau M’nông dê

Bùm tung ua\ mờ bơkah ngan rlau jơh  pơgap tàm tơngai bơh lài mờ tơ nơ\ sa tềp he, tu\ che bùm tung sơn đờm gơ rung nha mờ ro. Tơngai do, bùm tung dờng ai ua\ tinh bòk mờ bơkah ngan rlau jơh, geh bùm dờng ndrờm mờ bam tê cau dờng dê, jòng tus mờr 2 thơk. Kung tài bơh bùm tung gơ mut  jrô ngan trồm dờng mờ jrô ngan hơ\ sồng geh dùl nơm bùm tung niam bè ờs.

Tu\ jòi bùm tung, kòn cau M’nông sùm sac rơ wah ală che bùm tung neh kra. Tu\ hơ\, bùm tung neh krà`, dờng mờ ua\ bòk dềt. Bùm tung gơ tùi sa ris halà buh, gơm, gơm bia\p… Bùm tung bơdìh ờ niam ngan, tàm dơ lam să bùm kò. Tu\ gơm bùm sin bô thồm, lơbơn bè mbar.

Làng bol tờ bùm tung rê chil jơh kơm hò tàm bơr lu\ bal mờ piang sa bè ală bơta bùm. Tơ nơ\ do, tu\ rài kis geh wil tơl rlau, kòn cau M’nông sùm ai bùm tung geh rào kloh, chil kơmhò cèng gơm bia\p bal mờ ntìng. Bơta bô thồm, rơ sơh lơ bơn bơh bùm tung dê tàm bơr lu\ bal bơta lơngồt bơkah bơh ntìng dê lơh sơ lào piang bal hia\ mìng geh bùm tung lơm mơya sa kung gam bơkah ngan sơl, ờ rơngòt ờ tơl bơta pràn, mơya niam ngan ai gùng tơr dih phan sa in.

Kòn cau M’nông kờ` ngan gơm bùm tung sin, sa lơbơn bơkah ngan

Ală nam nhai tam lơh, rài kis kal ke ua\ ngan, bùm tung là phan sa tờm ròng cau ling kung bè ua\ hìu bơnhă làng bol kòn cau M’nông dê tàm Dak Nông. Geh ua\ ngan bơta pràn bơkah mờ geh kuơ ngan pràn kơl dang să jan in, bùm tung rềp mềr ngan tàm rài kis cau M’nông dê.

Tu\ do, rài kis geh ua\ bơta tam gơl, làng bol ală jơi bơtìan kòn cau tàm ù tiah càr Dak Nông ờ gam jơgloh tai. Mơya, bùm tung neh gơ mut jrô ngan tàm nùs nhơm bơh tơl nă cau dê, là phan sa bơkah bơh brê bơ nơm dê ai pà. Rùp hin bùm tung kò niam lơh sơ lào piang ờs mờng

 tàm dơ\ sa tềp bơh kòn cau M’nông dê sơlơ wil tơl rlau tai.

Quốc Học jat ba\o Dak Nông- Cau mblàng K’ Hạnh