VOV4.K’ho- Kờp tus tu\ do, càr Dak Lak neh dờp geh 36 nă cau gơtìp kòp bạch hầu. Bơh tu\ go\ cau sơnrờp ngan gơtìp kòp tàm ngai 07 nhai 07 tus tu\ do, tàm dùl bàr ngai den geh cau gơtìp kòp pa.

Tềng đăp mờ bơta kòp gơbàn kal ke, gah lơh sơnơm bơto sồr làng bol pal nền nòn, rơcang lơh jăt ală broă rơcang sơndră mờ kòp bạch hầu.

Tu\ do, kòp bạch hầu neh gơbàn tàm 5 tiah tàm càr Dak Lak, tàm hơ\ geh: kơnhoàl Lăk, Krông Bông, Mdrăk, Cư\ Mgar, Cư\ Kuin. Tàm hơ\ tơrgùm uă ngan tàm kơnhoàl Krông Bông (15 nă) mờ kơnhoàl Mdrăk (9 nă), kơnhoàl Cư\ Mgar (6 nă). Kòp gơbàn mìng tàm ală tiah ngài, tiah kal ke kờ` tìp mờ broă lơh sơnơm.

Bạch hầu là kòp tài vi khuẩn bạch hầu lơh gơbàn, gơtòp mìng bơh gùng tă nhơm ha là tìp tơn mờ ală phan ngui neh gơtìp vi khuẩn kòp bạch hầu, dà muh, dà rơnồng dờ bơh cau kòp. Do là kòp ngòt rơngơ\t, geh bơta pràn gơtìp mhar mờ khà cau gơtìp chơ\t uă ngan, di pơgăp bơh 20 tus 30% tàm kơnòm dềt.

Bơta tơngo\ lài ngan bơh kòp là duh să, bơsiă, jê rơnồng dờ, lơwan dà diao jê. Di lah ờ go\ mờ sơm kòp gờ` di tu\, bơdìh mờ bơta khih bơh kòp bạch hầu di gơlan lơh gơbàn ală bơta aniai uă ngan, mờng tìp ngan là as nùs, di gơlan plai nùs ờ gơtùi lơh broă ni sơna, as che tơngoh, ờ pràn tă nhơm, lơh gơbàn chơ\t.

Jăt Tiến sĩ, bác sĩ Trần Thị Thuý Minh, kuang atbồ khoa Nhi tổng hợp, hìu sơnơm tiah Tây Nguyên yal, bơta tơngo\ bơh kòp bạch hầu [uơn ngan gơtìp hu^ mờ ală kòp duh să, nggù ndai, den tàng làng bol lơyài tàm broă lòt kham, lơh broă in go\ mờ kòp jơla, broă di gơlan gơbàn chơ\t uă ngan.

-Kờ` g^t kòp, cau mè bèp pal ai bơh tàm 2 bơta, lài ngan là kòn he geh tìp mờ bơta kòp lơi.

Dơ\ 2, geh gơbàn ală bơta bè duh să, glar tàm să, bơsiă, glar tă nhơm, jê rơnồng dờ uă ngan. Hơ\ là ală bơta tơngo\ lài ngan mờ cau mè bèp di gơlan g^t go\.

Mơya, ală bơta tơngo\ do kung gơbàn tàm kòp as sồt rơnồng dờ den tàng kal ke ngan kờ` g^t đal, den tàng, mìng geh tu\ ală bác sĩ kham geh go\ giả mạc mờ ai lòt xét nghiệm den hơ\ sồng g^t cau kòp gơtìp kòp bạch hầu ha là ờ.

Kòp bạch hầu bu\ lah ngòt rơngơ\t, mơya do là kòp neh geh sơnơm vaccine bơh jo\ ngan, den tàng, broă rơcang sơndră mờ kòp geh cồng nha ngan tu\ do là c^t sơnơm vaccine.

Tu\ do broă c^t sơnơm vaccine rơcang sơndră mờ kòp neh geh jơh tàm ală kơnòm dềt lơgar Việt Nam, ală sơnơm vaccine bè SII, Quinvaxem, Combie Five… ndrờm rơcang sơndră mờ kòp bạch hầu, bơdìh hơ\ tai, geh ờ uă sơnơm vaccine c^t dịch vụ kung geh rơcang sơndră mờ kòp do sơl.

Gơwèt mờ ală cau dờng di lah he ờ g^t loh broă c^t sơnơm vaccine să tòm, den di gơlan geh c^t bàr ding sơnơm vaccine kòp bạch hầu, uốn ván, tơl ding di pơgăp 1 nhai nàng geh bơta pràn rơcang sơndră mờ kòp ngòt rơngơ\t do.

Bơdìh hơ\ tai, kờ` rơcang sơndră mờ kòp bạch hầu geh cồng nha, ală cau pal sùm rào tê mờ sơ[ong gơsơ\t vi khuẩn; gàr kloh niam hìu đam, tiah kis àng kloh niam; pơn chèo gòm muh măt tàm tiah gal cau; sào sa pal kloh niam, tơl phan bơkah; tàp pràn să jan ndrờm bal.

Cau mblàng Ndong Brawl