VOV4.K’ho- Càr Daklak gam ờ geh ngan cau pik kơphê tàm tơngai pik uă kơphê. Nàng tơnhàu di nhai kàl, uă công ty kơphê tàm càr rwah broă lơh apah ală mpồl ling, ai ală hìu làng bol lơh broă sa den jòi cau pik kơphê tàm ală bang web, internet mpồl bơtiàn.

Mpồl cau lơh broă ờ geh uă gơlam tus khà priă apah cau pik kơphê gơguh jơnhoa. Khà priă apah cau lơh broă nam do pơgăp bơh 180 rbô tus 220 rbô đong dùl ngai gơguh pơgăp 50 rbô đong pơndrờm mờ nam lài, apah jat phan bơna pơgăp bơh 100 tus 130 rbô đong dùl tạ kơphê ris.

Jat kờp du\ bơh làng bol dê, den nàng tơnhàu geh 1 lồ kơphê kờ` geh pơgăp 60 nă cau pk, ndrờm mờ pơgăp 12 tơlak priă. Nam do, bă kơphê geh plai tàm jơh gùt càr dê là mờr 190 rbô lồ. Kàl tơnhàu sùm mìng jo\ jòng tàm pơgăp 2 nhai.

Cau cih mờ yal tơngit - Lơ Mu K’Yến