VOV4.K’ho- Rơlao 4 rơbô 500 lồ ù lơh sre ờ geh cồng nha tàm càr Dak Lak neh geh tam gơl tam ală bơta phan tam ndai là gùng dà broă lơh di pal. Mơya rơwah phan tam lơi di pal kung là jơnau kơlôi sơnơng geh ai tàm pơrjum lơh jăt rơndăp broă lơh sa kàl prang nam 2017-2018.

 Nam 2017, kờp jơh khà phan sa gùt càr Dak Lak geh rơlao 1 tơlăk 200 rơbô tấn, sơlèt 7% jăt mờ rơndăp broă. Jăt mờ rơndăp broă geh ai, lơh sa kàl prang tus, càr Dak Lak geh sih tam di pơgăp 44 rơbô 800 lồ phan tam ală bơta, tàm hơ\, kòi sre mờr 40 rơbô lồ, tơngời rơlao 3 rơbô 800 lồ, bùm lô rơlao 1 rơbô 200 lồ, biăp rơlao 3 rơbô lồ gam tai là ală bơta phan tam ờ jo\ tơngai ndai.

Cau cih mờ yal tơngit Lơ Mu K’Yến