VOV4.K’ho - Tềng đăp mờ bơta kal ke bơh kòp Covid-19, gơnoar atbồ bal mờ làng bol càr Gia Lai gam lơh ngan rơcang ală broă kờ` sơndră, kơrian mờ kòp gơtòp.

Tơngai do, pah ngai, mpồng nhàr dà lơgar dunia Lệ Thanh, kơnhoàl Đức Cơ, càr Gia Lai dờp g^t nđờ jăt nă cau lơgar Việt Nam lơh broă, ơm kis tàm lơgar Campuchia mu\t gan rê hờ lơgar tòm.

                     Làng bol mu\t tềng mpồng nhàr dà lơgar dunia Lệ Thanh geh tam cah is tơrgùm bal

Jơh ală làng bol mu\t tàm lơgar ndrờm pal lơh jăt broă tam cah is tơrgùm bal 14 ngai kờ` rơcang sơndră mờ kòp Covid-19 gơtòp. Tềng mpồng nhàr dà lơgar, ală mpồl lơh sơnơm, hải quan, mpồl ling sền gàr tiah nhàr dà lơgar pơgồp bal nền nòn tàm broă dờp, kham sền bơta pràn kơl dang să jan, [ồm sơnơm lơh kloh kòp, bơto sồr làng bol tàm broă sơndră is mờ kòp gơtòp.

Mpồl lơh broă ling klàng càr Gia Lai pơn diang làng bol rê tus tiah tam cah is tàm anih tàp ling – Trung đoàn Bộ binh 991. Tus tàm tiah tam cah is, lo\ Phan Thị Ngọc Anh gơlơh iang nùs ngan đơs:

-A` lòt lơh broă tàm lơgar Campuchia rê. Rê gan mpồng nhàr dà lơgar den cau kơrian wơl sồr tam cah is, sền mhàm kờ` g^t geh virus lah ờ.

Tàm 14 ngai tam cah is, di lah gơbàn kòp den cau sơm kòp, di lah ờ den he rê. Dà lơgar neh sền gròi tus mờ làng bol bè do niam ngan. Sền gàr să tòm, mờ sền gàr dà lơgar in tai.

Gam tàm [làng rơndeh par Pleiku, broă rơcang sơndră mờ kòp, ală cau năc, cau lơh broă kung bè mpồl sền gàr bơta lơngăp lơngai, lơh broă pơs wàs kloh niam ndrờm lơh jăt nền nòn broă pơn chèo gòm muh măt. Ală bơta dà rào tê ra` geh crăp [uơn ngan tàm ală anih lơh sră nggal, đah ală gùng lòt, tềng đăp hìu jă brê...

                     Tàm anih tam cah is, làng bol geh sền gròi bơta pràn kơl dang să jan mờ di pal ală phan ngui

Ồng Nguyễn Quang Huân, Phó kuang atbồ [làng rơndeh par Pleiku pà g^t, broă lơh kloh vi khuẩn tàm tiah hìu ga, hìu ơm kơ\, jăt gah ranđa geh lơh sùm:

-Pah ngai, bol a` geh lơh jăt broă lơh kloh vi trùng mờ dà Cloramin B geh anih sền gròi kòp tê jê să càr Gia Lai ai. Tơn jơh dơ\ par, bol a` lơh kloh vi trùng jăt gùng lòt.

Bol a` pờ tàm loa sồr ală cau năc ală tơngu me bơto sồr sơndră mờ kòp Covid-19 bè pơn chèo, rào tê, tơmù tìp rềp mờ cau ndai mờ ală broă lơh ndai tai di jăt mờ jơnau bơto sồr bơh Bộ Y tế dê.

Bal mờ càr, ală mpồl ling geh pôs ling tàm càr Gia Lai bè Quân đoàn 3, Binh đoàn 15 kung tus bal rơcang dờp, tam cah is tơrgùm bal ai g^t nđờ rơbô nă làng bol tàm bơta geh ngan.

                       Cau năc tàm [làng rơndeh par Pleiku pơn chèo kờ` rơcang sơndră mờ kòp Covid-19

Pa do, UBND càr Gia Lai neh k^ tă mờr 35 tơmàn priă bơh kes priă càr dê kờ` blơi phan lơh sơnơm mờ hoá chất lơh kloh vi khuẩn. Mờ gùng dà broă lơh 4 tơn tàm tiah hơ\, geh: phan bơna tơn tàm tiah hơ\, cau lơh broă tơn tàm tiah hơ\, sơm kòp mờ tam cah is tơn tàm tiah hơ\, càr Gia Lai ai tàm broă di lah kòp gơbàn tàm tiah lơi den wàng se, kơrian kòp gơtòp tơn tàm tiah hơ\.

Ồng Nguyễn Đình Tuấn, Phó kuang atbồ Sở Y tế càr Gia Lai pà g^t, 17 hìu sơnơm tàm kơnhoàl bal mờ 6 hìu sơnơm càr mờ ală mpồl ling tàm càr neh rơcang tơl phan bơna, phan lơh sơnơm  geh kuơ kờ` rơcang lài sơndră mờ kòp:

-Gah lơh sơnơm pơgồp bal mờ ală gah, mpồl lơh broă sền gròi ală anih bè hìu năc ơm, ală hìu bơsram lơh broă, tàm hơ\ uă ngan là ală mpồl ling geh pôs ling tàm càr lơh anih nàng sền kờ` g^t kòp, tam cah is ală cau rê bơh tiah gơbàn kòp, kờ` rơcang lài mờ tơl bơta geh, pleh mờ broă gơbàn ni sơna; gàr niam broă rơcang sơndră mờ kòp tàm càr.

Càr Gia Lai ờ hềt geh cau gơbàn mờ kòp Sars – CoV2. Mờ broă rơcang mhar bè ală bơta, gah lơh sơnơm mờ làng bol càr Gia Lai gam rơcang sơndră mờ kòp Covid-19 mờ nùs nhơm rơcang lài uă ngan.

Cau mblàng Ndong Brawl