VOV4.K’ho - Broă ròng iar deh tăp VCN-G15 tàm pang dă sinh học geh Trung tâm khuyến nông càr Lâm Đồng lơh neh geh cồng nha, dong kờl làng bol geh tơnhào uă, pờ tơl^k 1 gùng lơh broă pa tàm broă ròng phan tàm càr do dê. Sơntìl iar VCN-G15 geh lơh bơh iar me Aicập mờ iar dam Ukraine, gam geh sơnđan là iar Aicập geh pơgồp mờ 3 jơi, geh deh tăp uă, tus 250 nai tăp tàm 1 nơm iar me tàm 1 nam. Cồng nha bơh 4 hìu ròng tơlòng 1 rơbô 200 nơm iar Aicập tàm sàh Gia Lâm, kơnhoàl Lâm Hà pà go\, khà iar chơ\t ờ uă, khà iar geh deh tăp uă. Iar deh tăp ndrờm mờ khà priă tăc tăp geh cau blơi tus 3 rơbô tăp tàm 1 nai, geh tơnhào uă rơlao ngan jăt mờ ală bơta tăp iar công nghiệp. Mờ broă ngui phan dă sinh học kung neh lơh tiah kis tàm wàng kloh niam, tơmù kòp iar in mờ tềm pềr priă lơh kloh niam wàng ròng. Tơnơ\ mờ tu\ ròng, pang dă sinh học do gơs là phơng hữu cơ niam ngan phan tam in.

      Cau cih mờ yal tơng^t Ndong Brawl