VOV4.K’ho - Rơlao 30 nam lơh broă mờ mpồl đơs crih tamya tàm kơnhoàl, pơn jăt tai mờ tơnguh bơhiàn ờs mờng bơh hìu nhă dê, cau chài K’ Bes  mìng ai săp ntas cing mồng kòn cau K’ Ho tàm [òn Bồ Liêng, thị trấn Đinh Văn, kơnhoàl Lâm Hà, càr Lâm Đồng mpong săp sùm, mờ gam bơto nùs nhơm kờ` gơboh mờ cing mồng ai ală cau gam kơnòm tàm [òn do in tai.

Mờ ală broă lơh ngan bal mờ broă pơgồp bal kuơ màng bơh să tòm, nam 2019, cau chài K’ Bes pơnyờ geh Chủ tịch lơgar jào pà khà pơn jờng Nghệ nhân ưu tú. Do ờ mìng là bơta pơnyờ să ai să tòm cau chài K’ Bes in mờ gam là bơta chờ bal jơh ală cau kis tàm [òn Bồ Liêng dê.

Cau chài K’ Bes yal, ồng g^t wă săp ntas cing mồng bơh tu\ gam dềt ngan, tu\ săp ntas cing mồng gam mpong sùm tàm tơl dơ\ `ô sa dềt, dờng tàm [òn Bồ Liêng dê.

Tus nam 12 sơnam, ồng K’ Bes neh chài dròng ală jơnau dròng cing ờs mờng kòn cau K’ Ho dê bè dròng cing jà năc, dròng cing chờ mu\t hìu pa, chờ gờm kòi pa. Pah tu\ [òn bơyai lơh chờ, ồng sùm geh rơwah mu\t bal tàm mpồl dròng cing.

Jăt ồng K’ Bes yal, cing mồng là tơngu rơyas, là săp đơs bơh nùs nhơm kòn cau K’ Ho dê. Să ntas cing, săp ntas mồng là jơnau đơs, jơnau boh bơr bơh làng bol [òn lơgar dê mờ yàng mờ ndu gơnrơh dê. Hơ\ là dùl bơnah hoềng soàn [òn lơgar dê.

-Broă prăp gàr bơta niam chài rơgơi ờs mờng kờ` săp ntas cing mồng mò pàng sùm mpong là kơnòl bơh ală mpồl bơtiàn dê. He pal prăp gàr bơh drăp, cing, hơ\ sồng bơto oh kòn, kòn sao in wă bè bơta kuơ chài rơgơi kòn cau he dê.

Kờ` phan lời wơl chài rơgơi bơh mò ồng ờ gơtìp roh, cau chài K’ Bes neh pờ ơdu\ bơto dròng cing ai uă cau kơnòm tàm [òn do in. Wă mờ jơnau kơ\p kờ` bơh cau chài K’ Bes dê, lo\ K’ Phen, kis tàm [òn Bồ Liêng yal: bơh broă bơto ồng K’ Bes dê tus tu\ do, să tòm neh g^t dròng jơh ală jơnau dròng cing kòn cau dê.

Bal mờ hơ\, a` kung neh lam sồr bơklao bal mờ kòn ùr kung tus bơsram mờ ơdu\ dròng cing mồng mờ tamya geh ồng K’ Bes bơto. Pah dơ\ geh lơh chờ hìu nhă, a` sùm tus bal dròng sơl.

-A` gơboh ngan mờ mò ồng, mè bèp tu\ neh bơsram mờ g^t dròng cing mồng. sơlơ dròng cing den a` sơlơ gơboh ngan mờ gơboh tus mờ bơta kuơ kòn cau a` dê.

Tàm mpồl dròng cing a` g^t dròng jơh ală cing, bơh cing me tus mờ cing kòn. A` kơ\p kờ` geh uă cau kơnòm bè a` tơnơ\ do geh pơn jăt tai tus bơsram dròng cing kờ` g^t mờ prăp gàr phan lời wơl mò ồng he dê.

Kơnờm mờ broă bơto bơh ồng K’ Bes dê, tus tu\ do, tàm [òn Bồ Liêng geh uă ngan cau g^t tamya, g^t dròng cing. {òn neh crơng gơs geh 1 mpồl dròng cing cau ùr, 2 mpồl tamya mờ 2 mpồl dròng cing cau klao mờ 28 nă sùm tus bal dròng cing mồng.

Ờ mìng tus bal mờ ală broă lơh chài rơgơi geh bơyai lơh tàm thị trấn, tàm kơnhoàl, tàm càr, tus tu\ do, mpồl dròng cing [òn Bồ Liêng kung neh geh rơwah lòt dròng uă tàm ală dơ\ geh bơyai lơh broă chài rơgơi dờng tàm lơgar mờ tàm tiah do.

Jăt ồng K’ Bes yal, do là nùs nhơm pơlam dờng màng ngan, lam sồr cau kơnòm pin dờn mờ gơboh kờ`, đềt mềr mờ cing mồng. Bơh tu\ hơ\, ală oh kòn, kòn sao geh kơnòl rơlao tàm broă prăp gàr.

-Bol a` neh pờ uă ngan ơdu\ bơto dròng cing mờ go\ ală oh kòn mhar ngan g^t, uă oh kòn chài mờ g^t wă mhar ngan. Bơh broă bơto do, ală oh kòn g^t bơta kuơ chài rơgơi mò pàng lài do hê dê lời wơl mờ geh nùs nhơm bơto uă ngan. Kơ\p kờ` là, ală oh kòn geh lơh ngan bơsram ba` sơbì mờ hu^ jơnau dròng cing mồng mò pang he dê.

Bơdìh mờ broă bơto dròng cing ai ală cau tàm [òn in, ồng K’ Bes gam geh ală [òn ndai mờ hìu bơsram Dân tộc nội trú kơnhoàl Lâm Hà jà tus bơto dròng cing nàng ală kơnòm bơsram in tai.

Tus tu\ do, ồng K’ Bes neh bơto dròng cing mờr 700 nă klao pơnu, kơnòm pa tào mờ kơnòm dềt kòn cau K’ Ho tàm ală tiah kơnhoàl Lâm Hà dê. Khà do neh pơgồp bal kờ` ală [òn làng bol kòn cau K’ Ho tàm kơnhoàl crơng gơs tai uă mpồl dròng cing kơnòm dềt.

Mò Ka Pêch, Chủ tịch UBND thị trấn Đinh Văn, kơnhoàl Lâm Hà pà g^t: ờ mìng bơto dròng cinh ai ală kơnòm dềt in tàm [òn g^t dròng cing, g^t tamya, ồng K’ Bes gam yal bè rài lài do bal mờ bơta niam bơh bơta chài rơgơi cing mồng mò ồng dê.

Bơh bơta do neh bơ\t bơtàu rơnàng kơnòm să g^t tàm broă prăp gàr, tơnguh bơta niam chài rơgơi ờs mờng kòn cau K’ Ho dê.

-Gơwèt mờ ồng K’ Bes, ồng gơboh ngan mờ broă bơto dròng cing ai oh kòn in, ồng bơto nền nòn ngan. Ồng ờ ngòt kal ke, bơh tu\ hơ\ geh lam sồr nùs nhơm gơboh, dong kờl làng bol tàm [òn tơnguh jơnau g^t wă tàm broă prăp gàr ală pang cing mồng mờ mè bèp mờ mò ồng lời wơl.

Nam pa, kàl lơh chờ, kàl `ô sa kòn cau K’ Ho he dê bal mờ ală jơi bơtiàn kòn cau kis bơh yau tàm Tây Nguyên dê, kàl bơh săp ntas cing mồng tàm ală [òn.

Săp ntas do ờ tu\ lơi jơh, tu\ geh bơto sùm bơh rơnàng ồng K’ Bes dê tus mờ ală rơnàng pơn jăt tai tơnơ\ do in. kung ndrờm bè tòm chi brê sơl, tơnơ\ mờ kàl jrùh nha, prăp dà, tu\ do gam căt cồng pa, nha pa nàng rài kis sùm tơlir niam.

     Cau mblàng Ndong Brawl