VOV4.K’ho - Mờr 20 nam đềt mềr mờ ală ơdu\ bơto dròng cing, cau chài Y Hiu Niê Kdăm ờ kah neh bơto nđờ rơnàng cau bơsram g^t dròng cing mờ wă ală jơnau dròng cing kòn cau Rơđê dê.

Mờ nùs nhơn gơboh kờ` bal mờ broă tơriang tơriồng tàm broă prăp gàr bơta chài rơgơi cing mồng kòn cau, cau chài Y Hiu gam bơto sùm uă ơdu\ cau bơsram, kờ` săp ntas cing mồng geh tơrbo\ tai mờ mpong sùm.

Ală ngai nam pa chờ hờp do, tiah [làng nhơl chờ sinh thái mpồl bơtiàn Kô Tam, [òn dờng Buôn Ma Thuột, càr Dak Lak sơlơ chờ hờp rơlao tài ală săp ntas chờ bơh mpồl dròng cing dê. Uă jơnau dròng cing do, geh mpồl cau ùr lơh broă tàm tiah nhơl chờ do dròng. Lài mờ hơ\ mờr 1 nhai, 17 nă cau ùr lơh broă tàm tiah nhơl chờ neh lơh ngan mờ tơriang tơriồng tềng đăp mờ broă bơto bơh cau chài Y Hiu Niê Kdăm dê.

Cau chài Y Hiu Niê Kdăm jòi is ală broă, kờ` lơh geh mùl màl ală jơnau ntas mờ ală jơnau cih krơi is, cih tềng mpàn jù nàng ală cau bơsram in g^t

Lo\ H Ri Ka Niê, cau tàm mpồl dròng cing cau ùr pà g^t, bu\ lah neh g^t mờ iăt uă dơ\ bè cing mồng tàm [òn tòm, mơya tu\ geh bơsram tơn den kung gam go\ kal ke kờ` ring tê bal. Bu\ lah bè hơ\, mờ broă bơto nền nòn bơh cau chài Y Hiu, lo\ neh lơh ngan bơsram mờ dròng cing ngai sơlơ chài rơlao.

-Pơgru bơto [uơn ngan wă, bơto jăt tơl tu\, tơl dơ\. Pơgru kung jơh nùs, bơto nền nòn tus tơl cau bơsram. Geh bơsram mờ pơgru a` gơlơh gơboh ngan. A` sơlơ kờ` geh bơsram tai uă rơlao, g^t tai uă rơlao kờ` sơlơ chài rơlao, tơnơ\ do geh bơto wơl ală kơnòm dềt in den sơlơ niam rơlao.

Sền gròi broă bơsram bơh mpồl dròng cing mờ là cau dong kờl priă ai ơdu\ bơto do in, mò Nguyễn Thị Ngọc Anh, Chủ tịch hội đồng quản trị Công ty Nhơl chờ sinh thái chài rơgơi mpồl bơtiàn Kô Tam pà g^t, geh broă pơlam bơh Hìu chài rơgơi, tàp pràn să jan mờ nhơl chờ [òn dờng Buôn Ma Thuột bè broă bơto dròng cing, tàm hơ\ uă ngan là mpồl cau ùr, mò gơlơh chờ hờp ngan mờ ring bal tơn.

Ală cau lơh broă dan bơsram ndrờm geh lam sồr mờ kờp priă nhai ndrờm bal mờ tu\ lòt lơh broă ai tơl nă cau bơsram in. Kơnờm mờ hơ\, tơl nă cau bơsram tus bal mờ ơdu\ bơsram dròng cing ndrờm chờ hờp ngan, wă ală tơngu me geh cau chài Y Hiu bơto. Mìng tơnơ\ mờ dùl tơngai ờ jo\ bơsram ndang mờ lơh broă ndang, ală cau bơsram neh wă jơh ală jơnau dròng cing mờ geh dròng cing niam. Mò Nguyễn Thị Ngọc Anh yal:

-Pơgru jơh nùs nhơm, ai jơh bơta g^t wă bơh să tòm kờ` bơto wơl ală kơnòm in. Mờ ală kơnòm bơsram kung gơboh ngan sơl, den tàng ală kơnòm geh lơh broă ndang mờ bơsram ndang. Ală kơnòm gơboh mờ cau pơgru mờ kơ\p kờ` geh prăp gàr bơta niam chài rơgơi kòn cau dê den tàng ală kơnòm bơsram neh lơh ngan bơsram mờ wă jơnau bơsram niam ngan.

Cau chài Y Hiu Niê Kdăm pà g^t, ồng sơn đờm bơto dròng cing bơh nam 2002, tu\ hơ\ ơdu\ dròng cing kơnòm să tàm [òn Mdu\k, sơnah [òn Ea Tam, [òn dờng Buôn Ma Thuột rơcang pờ ơdu\ bơsram mơya ờ geh cau bơto. Tài ờ kờ` oh kòn gơtìp ờ geh bơsram dròng cing, ồng neh dan mờ mpồl lơh broă kờ` tus bơto.

                    Cau chài Y Hiu lơh ngan mblàng, attê tơl nă kờ` bơto broă dròng cing di mờ săp ntas

Tơn jơh dơ\ bơsram, geh gal ngan cau bơsram ơdu\ dròng cing tàm [òn Mdu\k neh g^t dròng ală jơnau cing tòm, mờ cồng nha geh sơrlèt rơlao mờ ală ơdu\ dròng cing geh bơyai lơh bal mờ tơngai hơ\ sơl. Bè hơ\ là bơh tu\ hơ\, broă bơto dròng cing geh đềt mềr mờ ồng, ai ồng lòt tus tàm ală [òn tàm [òn dờng Buôn Ma Thuột mờ uă tiah rềp bal ndai.

Mò Phạm Thị Hải Bình, Phó kuang atbồ hìu chài rơgơi, tàp pràn să jan mờ nhơl chờ [òn dờng Buôn Ma Thuột đơs, cau chài Y Hiu jơh nùs ngan mờ broă bơto bal mờ broă prăp gàr bơta chài rơgơi cing mồng kòn cau dê.

-Mờ cau chài Y Hiu Niê Kdăm den do là dùl nă cau pơgru jơh nùs ngan mờ geh kơnòl tàm broă prăp gàr, lài ngan là prăp gàr bơhiàn chài rơgơi kòn cau Rơđê dê, tơnơ\ mờ hơ\ là broă bơto ală kơnòm in tàm ală ơdu\ bơsram mờ hìu chài rơgơi [òn dờng Buôn Ma Thuột neh bơyai lơh.

Cau chài Y Hiu yal, ồng ờ kah jơh là ồng neh bơto nđờ ơdu\ dròng cing ai ơruh pơnu, kơnòm pa tào mờ kơnòm dềt. Broă bơto dròng cing mìng mờ jơnau đơs mờ jơnau g^t go\ ờ tu\ lơi geh dùl pang sră lơi bơto, den tàng ồng cèng jơh nùs nhơm, bơta gơboh kờ` nàng bơto broă dròng cing di, tus tàm tu\ lơi ring tê bal hơ\ sồng lời.

Ồng gam jòi is broă lơh mùl màl ală pang cing mờ ală phan geh cih krơi is, cih tềng kơ[àng nàng ală cau bơsram in sền mờ g^t:

-A` lòt bơto kung neh jo\ ngan, mờr 10 nam, lơh broă bal mờ hìu chài rơgơi [òn dờng. A` neh bơto ală kơnòm dềt, kơnòm pa tào, geh bal cau tàm [òn a` tai. Hơ\ sồng tus tu\ do a` bơto ală kơnòm ùr ơruh tai mờ dùl mpồl kơnòm ùr dềt tàm [òn Tuôr, xã Hoà Phú. A` go\ ală kơnòm wă jơnau niam ală bơta mờ a` bơto, bu\ lah bơto ai cau klao ha là cau ùr den kung là dùl broă lơh kờ` prăp gàr bơhiàn kòn cau dê, kờ` ờ gơtìp roh.

Ờ mìng g^t dròng mờ lơh uă bơta phan teh, jan đơs crih kòn cau Rơđê dê, cau chài Y Hiu Niê Kdăm gam là cau g^t bơto geh nùs nhơm gơboh kờ`, ai geh nùs nhơm gơboh kờ` mờ cing mồng, kờ` mờ phan teh đơs crih kòn cau ai uă rơnàng kơnòm bơsram geh ồng bơto in.

Do là bơta mờ ờ di cau chài lơi kung klơh gơtùi. Ờ su\k mờ broă gơtìp roh ală bơta kuơ ờs mờng tềng đăp mờ rài kis [òn drà, ồng gam kơ\p kờ` geh bơto ală kơnòm in lơh ală bơta phan đơs crih ndai bè đờng gong, đinh nam, đing buôt tai.

Bal mờ broă bơto ală ơdu\ dròng cing geh hìu chài rơgơi ai lơh, cau chài Y Hiu gam bơto is ală kơnòm pa tào kờ` gơboh mờ broă dròng cing tàm [òn ồng in tai. Uă cau mè bèp jòi tus kờ` ai priă ơpah, mơya ồng ờ bài.

Ồng đơs, bơta chờ, bơta gơboh dờng màng ngan ồng dê mìng là sền go\ ală cau neh bơsram dròng cing rơhời dờng pràn tàm săp ntas cing, kờ` săp ntas cing hơ\ geh sùm mờ ală nam pa.

Cau mblàng Ndong Brawl