VOV4.K’ho- Tềng hơ đơm jơng bơnơm Langbiang, thị trấn Lạc Dương, kơnhòal Lạc Dương, càr Lâm Đồng, geh ua\ ngan làng bol ơm kis là làng bol kòn cau K’ho ơm kis bơh g^t nđờ rài do. Ală nam lài do, kơ nờm tam gơl bơta g^t wă tàm broă kơ lôi sơ nơng broă lơh, tam gơl gùng dà lơh sa bơh yau ờ niam tus lơh sa sươn sre công nghệ cao, bal mờ bơta ngăc ngar ngui niam bơta kuơ niam chài niam ngan bơh jơi bơtìan dê nàng pờ ală bơta drơng broă nhơl chờ drơng broă năc lòt nhơl in, rài kis lơh sa bơh làng bol thị trấn Lạc Dương dê gam sùm tam gơl pah ngai.

Pa ơn tàm kơl dung ală gar kơphê sơn mat kă bro K’ho nàng di tu\ jun năc in, bi Cơ Liêng Este, ơm tàm [òn B’Nơr C, thị trấn Lạc Dương, kơnhòal Lạc Lương (càr Lâm Đồng) den ờ ru ngan wơl tai tus rơndap ală phan soh yau bơh tê tờm he dê tà` nàng di tu\ ràng tơlik, gơ hòi gơ jà ală mpồl năc lòt nhơl. Bi Cơ Liêng Este pà g^t: pria\ lơh tờm bơh hìu bơnhă dê là lơh gơlik geh tơn phan bơna kơphê Arabica kloh cèng mat kă bro Coffee K’ho, mờ tà` phan yau kung geh bơta niam chài rơ gơi ờs mờng pal geh prap gàr mờ ngui niam mờ yal tơng^t tus mờ tơl nă năc lòt nhơl rềp, ngài. Lơh geh bơta tàm pơgồp bal do, lơh sa bơh hìu bơnhă dê neh kơl jap mờ bơtàu tơnguh rlau ua\ ngan pơn drờm mờ lài do.

Kờ` bơtàu tơnguh broă tà` ồi yau den lài ngan pal gàr niam broă lơh, pơn jat tai mblàng yal wơl ai oh kòn kòn sau in nàng phan do ờ gơtìp roh te\ tài bơh do là broă lơh ờs mờng. Pơn jat hơ\, he pal yal tơng^t ồi yau nàng năc bơh tiah ndai in tus jòi g^t mờ g^t geh broă lơh bơh rài ồng mò dê lời wơl mờ geh lơh mờ tê. Den tàng bè hơ\, bulah ờ cèng wơl cồng nha ua\ ndrờm mờ lơh kơphe kloh mơya he kung  tàm pơgồp bal nàng yal tơng^t bal mờ tăc phan lơh geh ai năc lòt nhơl in.

Làng bol jơi bơtìan kòn cau K’ho ai bơta niam chài cing mồng nàng drơng broă ai năc lòt nhơl in

Bal mờ tà` ồi yau mờ lơh kơphê kă bro, jơi bơtìan kòn cau K’ho tàm thị trấn Lạc Dương gam bơtàu tơnguh broă [e\ tơr nờm nàng drơng broă năc lòt nhơl in. Ngan là, làng bol neh ngui niam geh cồng nha ù tiah niam chài cing mồng- broă lơh mblàng yal mờ bơr mờ ờ di phan bơna kòn bơnus dunia dê geh UNESCO dờp nàng lơh nhơl chờ. Tu\ do thị trấn neh crơng gơs 11 mpồl dròng cing ja` mồng sùm rcang lài nàng drơng broă năc lòt nhơl in. Jat nghệ nhân Păng Ting K’Rè, Cau atbồ mpồl dròng cing ja` mồng tàm [òn Dơng 1, thị trấn Lạc Dương yal, bơtàu tơnguh nhơl chờ bơh broă ràng tơlik dròng cing ja` mồng mờ bơta niam chài phan sa ờs mờng neh pơgồp bơnah lơh geh broă lơh, tơnguh pria\ lơh geh ai jơi bơtìan cau K’ho in tàm tiah do.

A` lơh broă lơh dròng cring ja` mồng drơng broă năc lòt nhơl dùl bơnah là nàng geh tai pria\ jền nàng rcang tàm rài kis hìu bơnhă, dong kờl lơh geh broă lơh, tơnguh pria\ lơh geh ai làng bol tàm [òn in. Bơdìh hơ\ tai, do là broă lơh mờ pơgồp bơnah prap gàr  bơhìan niam chài rơ gơi, bơ to bơtê wơl ai rơnàng kơ nòm să in g^t wă bơta niam chài cing mồng bơh he dê, là phan lời wơl bơh ồng mò dê lời wơl geh bơta kuơ dờng màng ngan bơh làng bol jơi bơtìan kòn cau K’ho dê đơs is mờ jơi bơtìan kòn cau tàm tiah Tây Nguyên đơs bal.

Lơh li la ală bơta drơng broă nhơl chờ nàng cèng wơl pria\ lơh geh, mơ kung là tă pơgồp prap gàr mờ ngui niam bơta kuơ niam chài ờs mờng gam là gùng dà bơtàu tơnguh pràn ngan bơh mpồl bơtìan kòn cau K’ho dê tàm thị trấn Lạc Dương, kơnhòal Lạc Dương, càr Lâm Đồng. Ồng Kră Ja` Meng Nôl, kuang bàng lơh broă bơta niam chài thị trấn Lạc Dương đơs là, bơh di tu\ làng bol g^t lơh broă nhơl chờ den bơta r[ah neh ngan ngồn geh gơmù, rài kis lơh sa ngai sơ lơ bơtàu tơnguh.

Tàm ù tiah thị trấn Lạc Dương geh ală mpồl dròng cing ja` mồng gam lơh broă drơng broă năc lòt nhơl in kung bè drơng bơta niam chài rài kis pah ngai tàm [òn do tơn. Bơdìh hơ\, ală [òn lơh broă ờs mờng bè be\ tơr nờm, tà` ồi yau kung mut lơh broă drơng broă jơnau kờ` bơh năc lòt nhơl in. Bơta hơ\, dong làng bol prap gàr wơl mờ ngui niam bơta niam chài niam bơne\ ngan tàm tiah do dê, mờ là gùng dà bơtàu tơnguh pa bơh gah nhơl chờ tàm tiah do dê. Ală broă lơh do bơh sơn rờp neh cèng wơl cồng nha, pơgồp bơnah tam gơl rài kis lơh sa, lơh geh broă lơh mờ tơnguh tai pria\ lơh geh ai làng bol in. Tu\ do, ua\ hìu bơnhă neh geh rài kis bơtàu tơnguh đau mờ lài do ua\ ngan, 2, 3 hìu bơnhă geh phan sa, phan prap kơ\ kơl jap, lơh hìu cờn, blơi rơndeh dờng tu\ mut lơh mờ lơh ală broă lơh drơng broă nhơl chờ do.

Kơnờm ngui niam bơta pràn bè bơta niam chài rơ gơi niam ngan bơh jơi bơtìan he dê, kòn cau K’ho tềng hơ đơm jơng bơ nơm Langbiang, thị trấn Lạc Dương, càr Lâm Đồng neh pờ tơlik ua\ bơta  drơng broă nhơl chờ, bơtàu tơnguh lơh sa mờ kung prap gàr bơta niam chài ờs mờng. Mờ gùng lòt di pal, dùl nam pa gam tus hơ pơr gon cèng bal ală bơta tam gơl ua\ ngan rlau tai tàm ù tiah Lạc Dương dê.

Cau cih Quang Sáng- Cau mblàng K’ Hạnh