VOV4.K’ho- Kơ lôi sơ nơng tềng đap bơta pơ hìn roh te\ bơh bơta niam chài bơh yau kòn cau Jrai dê, 2 nă oh Hà Kpăh H’Huyền mờ Hồ Thị Hồng Nhung (Hìu bơsram kấp pe Plei Me, kơnhòal Chư Prông, càr Gia Lai) neh bal mờ gơ\p lơh  rơndap broă lơh “Sền sơ wì cồng nha broă prap gàr jơnau yal yau kòn cau Jrai dê mờ jơnau cih wac  sền mờ rùp ai kơ nòm bơsram kấp dùl Jrai in”. Tàm dơ\ pơrjum khoa học kỹ thuật kấp càr kơ nòm bơsram trung học dơ\ 7 (nam bơsram 2020-2021), rơndap broă lơh do neh geh khà dùl.

Nggùl nhai 3 trồ tơngai duh, H’ Huyền mờ Hồng Nhung kung ờ ru ngan tu\ tơngai nàng yal tơng^t ală pang sră yal yau kòn cau Jrai dê mờ ală oh neh jòi sền tơr gùm, sền sơ wì wơl nàng tus ua\ rlau mờ kơ nòm bơsram Jrai tàm ù tiah xã Ia Ga, kơnhòal Chư Prông, càr Gia Lai.

                                    H’ Huyền mờ Hồng Nhung jòi sền tơr gùm jơnau yal yau kòn cau Jrai dê

Đơs bè jơnau rơ wah tơngume do, H’ Huyền pà g^t: “kòn cau Jrai là làng bol ơm kis tàm ù tiah do geh bơh rài kah yau crơng gơs jo\ rài ngan tàm Gia Lai mờ ua\ ngan ală bơta kươ bơta niam chài ờs mờng niam ngan. Mơya, bal mờ broă lơh mut gơ rờm bal mờ bơtàu tơnguh, ală bơta niam chài do gam ngai sơ lơ gơ bàn roh te\. Bơdìh hơ\, ală văn học bơh yau bơh kòn cau Jrai dê ua\ mờ li la ngan mơya kung ờ hềt geh jòi g^t dùl bă geh cồng nha ngan sơl. Là dùl nă cau kòn kòn cau Jrai dê, oh kờ` pơ gồp dùl bơ nah dà kơl hề dềt rơ hìn bơh să tờm he dê nàng prap gàr, sền gàr mờ đòm jat niam bơta kuơ bơh ală jơnau yal yau hơ\ dê”. Oh Hồ Thị Hồng Nhung den pà g^: “Tu\ do, tàm kấp dùl kung gam ờ hềt sền gròi tàm bơr lu\ bal bơ to bơtê phan lời wơl bơta niam chài ală tiah dê ai kơ nòm bơsram in. Den tàng, mpồl kờ` cèng ală jơnau yal yau kòn cau Jrai dê tơ mut tàm hìu bơsram kấp dùl, pơ gồp bơnah prap gàr bơhìan niam chài ù tiah do dê, mơ kung di pal mờ jơnau kờ` tam gơl pa broă lơh bơ to bơtê phổ thông sơl”.

Jat jơnau bơ to pơlam bơh klau pơ gru Hoàng Việt Trung-Bí thư Đoàn Hìu bơsram, H’Huyền mờ Hồ Thị Hồng Nhung sơn đờm lơh rơndap broă lơh mờ bơta lơh ngan jơh nùs. H’ Huyền pà g^t: nàng sền sơ wì bơta g^t wă bơh kơ nòm bơsram kòn cau Jrai dê, mpồl neh lùp jơnau mờ 300 nă kơ nòm bơsram kấp dùl tàm ù tiah do dê bal mờ sră lùp mờ hơ. Cồng nha pà go\, broă mblàng yal jơnau yal yau kòn cau Jrai dê ai kơ nòm bơsram in ờ hoan geh ngan. Mìng geh 10,7% kơ nòm bơsram sùm geh ia\t mờ jơnau yal yau kòn cau Jrai dê bơh ồng mò mờ cau dờng dê yal wơl, gam wơl den mìng là tu\ ia\t  tu\ ờ halà ết ngan geh ia\t. Bơta do gơ lam tus bơta  wă wờng, bơta g^t wă, bơh ală kơ nòm dềt dê bè bơta kuơ bơh jơnau yal yau kòn cau Jrai dê kung bè broă prap gàr bơta văn học bơh yau do ờ hoan geh ngan.

                    Hà Kpăh H’ Huyền mờ Hồng Nhung lơh geh cồng nha ua\ ngan tàm dơ\ pơrjum khoa học kỹ thuật

Jat tàm jơnau lùp mờ hơ mờ bơta krơi is bơh ù tiah kơ lôi sơ nơng, 2 nă ùr kơ nòm bơsram neh kơ lôi tơn tus broă lơh prap gàr jơnau yal yau kòn cau Jrai dê geh bơh broă lơh sền mờ rùp. Bơdìh mờ 6 jơnau yal yau kòn cau Jrai geh bơh ală sră nggal tờm ngan bơh cau jòi sền tơrgùm wơl Rơ Mah Del dê, Hồng Nhung mờ H’Huyền neh jòi tơr gùm is tai 4 jơnau yal yau ndai tai. Jơnau yal tơ nơ\ hơ\ geh ală oh lơh is, wac jơnau cih mờ rùp niam ngan, di pal mờ kơ nòm bơsram kấp dùl in. Jơnau yal yau jòng 53 pang geh tam pà gơs 3 bơnah, hơ\ là: Jơnau yal yau bè ală phan, jơnau yal yau bè ơm kis lơh broă sa mờ jơnau yal yau ndu gơnrơh krơi is.

Tơ nơ\ tu\ jơnau yal yau geh lơh sir, H’ Huyền mờ Hồ Thị Hồng Nhung neh lơh broă lơh lùp mờ hơ mờ bơh pơgru at bồ mpồl bơyai lơh ai ngui tơr lòng lài tàm ală tiết bơsram yal yau tàm ơ du\ ai kơ nòm bơsram khối ơdu\ 3, 4 mờ 5 in. Cồng nha ai geh bơta nisơna ngan tu\ ua\ ngan oh tơngo\ bơta kờ` ngan mờ tơngume mờ rùp hin bơh pang sră yal yau dê; dùl nùs bal mblàng yal tơngume bơh pang sră yal yau dê tus mờ gơ\p bơyô mờ cau pròc mhàm bal, mơ kung hơ geh tus bal jòi sền tơr gùm wơl jơnau yal yau nàng prap gàr.

 Klau pơgru  Hoàng Việt Trung, Bí thư Đoàn Hìu bơsram kấp pe Plei Me, kơnhòal Chư Prông, càr Gia Lai pà g^t, tàm 6 nhai sùm, pơ gru mờ kơ nòm bơsram geh jòi ală jơnau kơ lôi sơ nơng, sền g^t tơngume kơ lôi sơ nơng, tơ nơ\ hơ\ cih wơl gơ gơs sră yal yau den hơ\ sồng lơh broă lơh lùp mờ hơ, lơh tơr lòng lài…H’ Huyền mờ Hồ Thị Hồng Nhung neh jòi sền tơr gùm wơl rlau 30 jơnau yal yau kòn cau Jrai dê. Mơya, tàm dơ\ pơrjum khoa học kỹ thuật pa do, pơgru mờ kơ nòm bơsram mìng cèng tus 10 jơnau yal yau di pal mờ nùs nhơm, di pal mờ sơnam kơ nòm bơsram kấp dùl in. Tu\ lơh geh khà dùl, pơgru mờ kơ nòm bơsram nrơ\t ndơl ngan mờ chờ hờp ua\ ngan. Geh g^t, broă lơh bơto bơtê phổ thông pa geh tai ală jơnau bơ to bơ tê tàm ală tiah. Kơ\p kờ`, sră yal yau bơh 2 nă oh dê gơ gơs là dùl sră geh ngui tàm ală hìu bơsram kấp dùl tàm ù tiah càr dê.

Quốc Học jat ba\o Gia Lai- Cau mblàng K’ Hạnh