VOV4.K’ho – Drim ngai 26/2, Hìu sơnơm dờng tiah Quang Hà, kơnhòal Bình Xuyên, càr Vĩnh Phúc bơyai lơh ai cau kòp dơ\ 16 bơ tờp kòp Covid-19 rê bơh hìu sơnơm. Do là cau kòp dut ndơl bơh càr Vĩnh Phúc mờ tàm lơgar he dê (kờp tus tu\ do). Cau kòp là bèp tờm bơh ùr công nhân lòt bơ to pơlam bơh Vũ Hán, lơgar Lo rê. Ùr công nhân do là cau lơh bơ tờp kòp 6 nă cau ndai in geh bèp, mè tờm, oh ùr, cau kis rềp hìu mờ jơi nòi.

Bè hơ\ tus tu\ do, jơh 16 nă cau bơ tờp kòp Covid-19 tàm lơgar he neh geh sơm bời mờ rê bơh hìu sơnơm. Bulah bè hơ\, jat Thứ trưởng Bộ Y tế, ồng Nguyễn Thanh Long đơs, bulah 12 ngai do, gùt lơgar ờ geh cau bơ tờp kòp pa, mơya kòp Covid-19 gam mut tàm dùl tơngai pa bal mờ ală bơta lòng kung bè kal ke digơlan dờng rlau tai.

Cau mblàng K’Duẩn