VOV4.K’ho-{òn dờng Dà Làc, càr Lâm Đồng dê tu\ do geh rlau 5.900 lồ bơkàu ală bơta, bơkàu lơh geh rlau 2 tơmàn 400 tơlak ntê pah nam. Bulah phan bơna bơkàu Dà Làc dê neh tiơng pơnrơ ngan mờ geh tac tàm jơh ală drà tàm lơgar mờ tăc tus lơgar ndai, mơya tài bơh drà tăc phan bơna sùm kal ke den tàng uă ngan cau lơh broă sa lơh geh priă jền ờ kơ\ kơl jăp.

Nàng tơn jơh bơta geh ngan do, uă broă lơh sa lơh bal đah tam mờ tăc phan bơna lơh geh ai bơkàu Dà Làc in gam geh ală mpồl lơh sa kă bro mờ cau lơh broă sa [òn dờng dê lơh. Tàm hơ\, lam lài lơh geh cồng nha broă lơh bal do là pal yal tus công ty Dà Làc Hasfarm.

            3 nam rềp ndo, ồng Huỳnh Đình Phước, ơm tàm sơnah [òn 8, [òn dờng Dà Làc, càr Lâm Đồng dê neh ờ gam pal kơlôi rơcang tai jơnau drà tăc phan bơna ai 3 sàu ù tam bơkàu tàm hìu krơh bơh hìu bơnhă dê in.

Ờ mìng tơn jơh geh jơnau jàu gơnoar lơh nền khà priă phan bơna ai ală cau kă phan in lơm mờ phan lơh geh, bơta niam bơh bơkàu dê tàm dùl bă ù tam phan bal kung geh tơnguh tai loh làng ngan, gơcèng wơl priă jền uă mờ geh sùm rlau mờ lài uă ngan.

Ồng Huỳnh Đình Phước pà gi\t, geh cồng nha do là kơnờm bơh lơh bal tàm broă lơh bal tam bơkàu mờ công ty Dà Làc Hasfarm:

            Lài hơ\ a` lơh mờ tăc bơdìh mờ drà kă bro den tàng priă lơh geh ờ kơ\ kơl jăp, tài bơh khà priă gơ tu\ gơguh tu\ gơmù. Ai ală công ty den sền go\ khà priă blơi gơ kơ\ kơl jăp rlau den tàng a` lơh bal lơh sa mờ khi den geh cồng, tài dùl bơnah lơh mờ công ty den khi neh geh lài drà kă bro den tàng he mìng lơh broă jàu phan lơm, bơnah gam wơl là ai he in priă jền uă rlau pơndrờm mờ lơh tăc is đah bơdìh.

            Kung bè ồng Phước mờ uă cau lơh broă sa ndai sơl, ồng Nguyễn Hữu Tiến, ơm tàm sơnah [òn 7, [òn dờng Dà Làc neh lơh bal broă lơh bal tam bơkàu mờ công ty Dà Làc Hasfarm bơh uă nam do.

Bơh 1 sàu hìu krơh bơh sơnrờp, tus tu\ do hìu bơnhă ồng Tiến neh rề ơnàng bă ù lơh bal lơh sa mờ công ty do gơguh tus 5 sàu, tàm hơ\ uă ngan là tàm 2 tờm bơkàu koh ntê là bơkàu cúc mờ bơkàu cẩm chướng.

Bơh ngai lơh bal lơh sa, hìu bơnhă a` neh ờ gam duh tai pal jê bồ jê tơngoh kơlôi sơnơng kờp du\ sền pal tam bơkàu lơi, phan tăc mờ `cau lơi, mờ mìng kơlôi tơrgùm lơh sa jat sră dan blơi phan lơm, mờ khà priă cồng lơh geh sùm rlau 600 tơlak dùl nam.

            Jat ồng Nguyễn Hữu Tiến yal, geh bơta dong kờl bơta chài bơh đah công ty Dà Làc Hasfarm dê, tàm tam, sơngka sền gàr, tơnhàu, prăp gàr bơkàu ris, làng bol lơh broă sa neh ngai sơlơ geh uă bơta mờng chài tam phan pa, tơnguh jơnhoa cồng nha lơh sa jat gùng dà kơ\ kơl jăp. Ồng Nguyễn Hữu Tiến, đơs:

            Bè chi sơntìl den geh lơh bơh anih ờ geh kòp, ai bè bơta chài den tàm pah poh cồng ty ndrờm ai cau lơh broă bơh công ty dê lòt tus tơn tàm sươn bal mờ cau lơh broă sa gròi sền tu kòp mờ geh ală gùng dà broă lơh bơsong.

Tu\ do, kòp tàm tờm bơkàu tàm Dà Làc gam gơbàn kal ke ngan, den tàng bè hơ\ kờ` tơnguh jơnhoa cồng nha chi tam den kờ` ngan geh ală mpồl cau chài ndrờm bè bơh công ty do dê nàng pơgồp bal mờ cau lơh broă sa jòi gơlik gùng dà bơsong geh cồng nha.

            Tus tơngai do, neh geh rlau 100 hìu cau lơh broă sa tàm [òn dờng Dà Làc lơh broă bal mờ công ty Dà Làc Hasfarm bơh broă lơh bal tam bơkàu ală bơta, mờ kờp jơh bă ù là rlau 3 lồ. Khà priă phan bơna bơkàu tàm broă lơh bal sùm geh hơ pơrgon loh làng ngan jat gùng dà geh kuơ ai cau lơh broă sa in.

            Jat mò Trương Thị Minh Tuyết, Kuang atbồ Phòng lơh broă bal lơh sa, gơ wèt Công ty Dà Làc Hasfarm nàng dong kờl di tu\ ai cau lơh broă sa in geh priă lơh sa, mpồl lơh sa kă bro neh lơh kes priă dong kờl cau lơh broă sa mờ khà priă là rlau 2 tơmàn. Bơh hơ\, ală hìu cau lơh broă sa lơi kờ` priă lơh sa den geh ai càn bơh 100 tus 150 tơlak tàm dùl kàl bơkàu mờ ờ duh pal tơm priă cồng.

Mò Trương Thị Minh Tuyết, đơs: 

            Nàng bơta lơh broă bal mờ cau lơh broă sa geh lơh niam, den đah công ty kung neh geh sơl bàr pe broă lơh dong kờl. Bơdìh mờ dong kờl priă, chi sơntìl bơh công ty dê lơh gơlik mờ tăc mờ cau lơh broă sa in nàng tam den he pal rwah ală chi sơntìl niam, tơl bơta nàng tăc mờ drà lơgar ndai.

Công ty kung neh sồr pal lơh geh uă bơta tơl khà niam ai tơl mpồl bơkàu cih tàm sră nàng ală hìu cau lơh broă sa in sền mờ sac rwah, gi\t là tu\ tam den geh lơh jat bè lơi den hơ\ sồng lơh geh jơnau sồr ai tơmu\t tàm công ty.Tu\ do, khà tăc mờ lơgar ndai bơh phan lơh broă bal dê neh ngai sơlơ gơguh tai, ngan là phan bơna bơkàu cẩm chướng.

            Ală cồng nha lơh geh bơh broă lơh bal lơh sa bơh cau lơh broă sa [òn dờng Dà Làc mờ Công ty Dà Làc Hasfarm dê pà go\, lơh bal đah mpồl lơh sa kă bro mờ cau lơh broă sa là jơnau sồr pal geh ngan tàm lơh sa sươn sre, kờ` geh hòi jà mờ lơh uă.

Geh bè hơ\ den hơ\ sồng crơng gơs geh ală tiah lơh sa gơ jat bal mờ drà kă bro, tơn jơh jơnau “phan lơh geh uă mơya tăc ờ yòm, dùl êt den ờ tơl ai uă den jơngkah” neh gơbàn uă ngan tus gah lơh broă sa sươn sre in tàm uă nam do!

Cau mblàng mờ yal tơngi\t- Lơ Mu K’Yến