VOV4.K’ho - Tơngai do, ală broă lơh tài bơta pràn kơl dang să jan mpồl bơtiàn bơh mpồl cau lơh sơnơm kơnòm să càr Dak Lak bal mờ ală mpồl lơh broă gơwèt bal neh geh lơh broă bal.

Bơh tu\ hơ\, pơgồp bal dờng màng tàm broă tơnguh bơtàu broă sền gàr bơta pràn kơl dang să jan làng bol in, kuơ màng là làng bol kis tàm ală tiah kal ke, tiah làng bol kòn cau tàm càr.

Tềng dăp mờ ală kal ke bơh kòp as sồt gùng tă nhơm tài virus Covid-19 lơh gơbàn, bơh tơnơ\ mờ satềp Canh Tý lài do, mpồl cau lơh sơnơm kơnòm să càr Dak Lak neh lơh uă broă lơh mùl màl tus bal mờ gah lơh sơnơm sơndră mờ kòp.

Bơdìh mờ broă bơyai lơh niam ală broă lơh geh bơta tơngo\ niam krơi is mpồl dê, den tu\ do, ală y, bác sĩ kơnòm să gam lơh jăt kơnòl broă tòm jăt broă ai geh lơh. Tàm ală hìu sơnơm, do là mpồl lơh broă tòm tàm ală broă sơndră mờ kòp Covid-19.

                                           Mpồl cau lơh sơnơm kơnòm să sền wơl sơnơm pà làng bol in

Bác sĩ Nguyễn Văn Bảo Toàn, kuang atbồ mpồl cau lơh sơnơm kơnòm să [òn dờng Buôn Ma Thuột pà g^t, bơh ngai 6 satềp, mpồl neh ai ală cau tàm mpồl gàr sùm tàm tiah kham rơwah tàm hìu sơnơm kờ` di tu\ kham mờ go\, tam cah is ală cau gơtìp tơngo\ geh pin gơbàn kòp.

-Mpồl cau lơh sơnơm [òn dờng bol a` den geh uă ngan cau tàm mpồl gơwèt hìu sơnơm [òn dờng Buôn Ma Thuột dê.

Tàm tơngai kòp gơtòp mờ tềng đăp broă đơng lam bơh Sở Y tế den hìu sơnơm bol a` kung bè ală oh mi lơh sơnơm kơnòm să bol a` neh lơh di tu\ ală sră nggal bơto sồr kung bè lơh tiah tam cah is mờ tiah kham rơwah.

Bơh tu\ hơ\, bol a` kung ai, lam sồr ală bác sĩ mờ điều dưỡng cau klao gam kơnòm să ờ hềt geh bao, tus tu\ do bol a` neh tam pà bal sền gròi sùm, ngai lơi kung geh cau sền gròi rơwah mờ tiah tam cah is tu\ sở y tế tus sền gròi kung geh cồng nha niam, kờ` tus bal mờ gah lơh sơnơm tàm dơ\ rơcang sơndră mờ kòp Covid-19 do.

Ờ mìng là mpồl lam lài dờp ală kơnòl lơh broă ni sơna, tàm broă lơh, ală mpồl cau lơh sơnơm kơnòm să gam pơgồp bal mờ ală mpồl dong kờl bơyai lơh uă broă dong kờl tàm ală tiah.

Bu\ lah ờ ru mờ broă lơh tòm, ală cau tàm mpồl gam ai tơngai ơm rơlô lồi poh tus mờ ală [òn tàm tiah sar lơgar ngài kham, bơto pơlam sền gàr bơta pràn kơl dang să jan mờ pà sơnơm ờ sa priă làng bol in.

      Ală broă lơh nùs nhơm dong kờl tài bơta pràn kơl dang să jan mpồl bơtiàn geh lơh sùm tus mờ làng bol kis tàm tiah sar lơgar ngài

Ồng Nông Đức Thịnh, kis tàm xã Cư\ Êlang, kơnhoàl Ea Kar, càr Dak Lak geh mpồl y, bác sĩ tàm cau lơh sơnơm kơnòm să tus tàm xã kham, pà sơnơm ờ sa priă yal:

-Geh bè do den hơ\ sồng làng bol geh bơta tus kham sơm kòp mờ ai sơnơm. Tài bơta ngăc ngar làng bol kis tàm tiah ngài gam ờ ndrờm bal, den tàng geh ală cau jơh dùl nam kòp tê jê să mờ ờ g^t blơi sơnơm.

Geh broă sền gròi bơh Đảng, Chính phủ mờ oh mi lơh broă gah lơh sơnơm tus tơn mờ làng bol kis tàm tiah ngài pà sơnơm làng bol in, a` dan ala măt làng bol đơs bal mờ să tòm a` ưn ngài uă ngan.

Bơh tơl dơ\ lòt, ală bác sĩ kơnòm să ờ mìng wă mờ tam pà bal kal ke mờ gah lơh sơnơm tàm ală tiah mờ gam dong kờl tàm broă tơrgùm uă bơta ngăc ngar drơng tàm broă lơh tòm, ai geh broă lơh bal đềt mềr mờ cau tàm mpồl lơh broă bal.

Ală dơ\ lòt mùl màl geh dong kờl ală cau lơh sơnơm kơnòm să tam pà bal mờ cau kòp rơ[ah ờ geh priă kờ` tus hờ hìu sơnơm sơm kòp.

Bác sĩ Trần Duy Quang, cau tàm mpồl cau lơh sơnơm kơnòm să kơnhoàl Ea Kar đơs là, ală broă lơh tài bơta pràn kơl dang să jan mpồl bơtiàn neh pơgồp bal tàm broă lơh dờng màng ngan, tơnguh rùp rài “cau lơh sơnơm bè mè tòm” bơh ală y bác sĩ tàm nùs nhơm làng bol.

-A` go\ ală broă lơh bè do geh uă nùs nhơm dong kờl uă ngan mờ geh kuơ màng ngan gơwèt mờ làng bol kis tàm tiah ngài, tiah kal ke. Do là ală tiah geh phan lơh sơnơm gam ờ tơl mờ làng bol geh tìp mờ broă lơh sơnơm gam ờ uă.

Ală broă lơh bè do geh cèng wơl làng bol in bơta pràn kung bè nùs nhơm pin dờn rơlao tàm mpồl y bác sĩ.

Mpồl cay lơh sơnơm kơnòm să càr Dak Lak tu\ do geh 14 mpồl dềt mờ mờr 1 rơbô nă cau là ală y bác sĩ kơnòm să gam lơh broă tàm ală hìu sơnơm bơh càr tus kơnhoàl.

Tàm nam 2019 lài do, mpồl lơh sơnơm kơnòm să càr Dak Lak bal mờ ală mpồl lơh broă bal neh pơgồp bal lơh geh 30 dơ\ kham kòp, pơlam sền gàr bơta pràn kơl dang să jan mờ pà sơnơm ờ sa priă ai rơlao 11 rơbô nă làng bol geh rài kis kal ke, hìu nhă geh sră dong kờl, cau kra ờ geh cau ròng siam.

Bal mờ hơ\, ală y bác sĩ tàm mpồl gam lam sồr, bơto sồr kờ` dong kờl làng bol g^t is tàm broă sền gàr bơta pràn kơl dang să jan să tòm mờ cau tàm hìu nhă, sơndră mờ kòp gơtòp mờ lơh tu\ gơtìp rềs àr mờng gơbàn.

Bác sĩ Phan Thành Trinh, Phó Chủ tịch mpồl cau lơh sơnơm gam kơnòm să càr Dak Lak đơs, broă lơh dờng pràn bơh ală mpồl lơh sơnơm neh pơgồp bal dờng màng tàm broă lơh nùs nhơm dong kờl tài bơta pràn kơl dang să jan mpồl bơtiàn, lơh gơs ală broă mờ broă lơh mpồl lơh sơnơm kơnòm să geh ai tàm tơl nam.

-Tu\ do, ală mpồl neh pơgồp bal uă ngan tàm ală broă lơh bal mpồl lơh sơnơm gam kơnòm să càr dê. Ală mpồl neh rơhời dờng pràn mờ lơh tòm ală bơta pràn tàm tơl tiah mờ dong kờl uă ngan tus mờ bơta pràn kal gùt càr dê.

Bơta do tơl^k go\ bơta pràn bơh mpồl kung bè nùs nhơm ngăc ngar bơh cau lơh sơnơm gam kơnòm să tàm gùt càr.

Mờ ală tơngu me broă lơh jăt tơl nam den nam do bol a` pơn jăt tai lơh jăt di mờ khà broă geh ai bơh bồ tơngai lơh broă neh tam pà ai tơl nam dê. Tàm nam 2020 do di gơlan geh bơyai lơh di pơgăp 29 dơ\ kham sơm kòp tàm ală [òn mờ dùl dơ\ lơh kơnòl dunia tàm lơgar Lào.

Ală broă lơh bơh mpồl y bác sĩ kơnòm să ờ mìng ai geh nùs nhơm niam làng bol in, tơnguh jơnau g^t wă mờ kơnòl bơh cau lơh sơnơm dê, tơnguh nùs nhơm lam lài tàm broă sền gàr bơta pràn kơl dang sa jan mpồl bơtiàn.

Bơh tu\ hơ\, să tòm tơl nă y bác sĩ geh tơnguh uă nùs nhơm g^t wă tàm broă sền gàr cau kòp kung bè rơcang sơndră tu\ geh kòp gơtòp gơbàn.

Cau mblàng Ndong Brawl