Bác sĩ chuyên khoa II Nguyễn Quốc Hùng, kuang atbồ hìu sơnơm Sản Nhi Quảng Ninh mờ kung là kuang atbồ hìu sơnơm tam cah is kuơ màng sồ 2 càr Quảng Ninh bal mờ ală kuang bàng ờ gơtùi hu^ jơh ngai 10 nhai 2 kơ\p dơ\ par kuơ màng HVN 68 pơn diang 30 nă cau lơgar Việt Nam bơh tàm tiah tòm gơbàn kòp Vũ Hán, lơgar Lo rê tàm [làng rơndeh par dunia Vân Đồn.

                                   Rò ală cau lơgar Việt Nam rê bơh [òn dờng Vũ Hán

Tàm 35 nam lơh broă tàm gah lơh sơnơm, neh gan rơlao uă bơta ngoh rơngăc mờ broă lơh, dùl mang ờ b^c bác sĩ Hùng mùl màl geh nùs nhơm kah sùm tu\ 5 jơ 04 phút rơndeh par mù tàm [làng rơndeh par.

Tàm să soh phan sền gàr să jan ndơ\p, mpồng rơndeh par pờ bal mờ mpồl cau mù, rùp rài kòn dềt geh mè kơnđu gam lơhă b^c sền gơlơh lơngăp lơngai ngan.

Cau năc `ìm, `o\, geh cau đơs “ù tiah mè, kis bloh”… Bơdìh trồ tiah mrềt mơya dơ\ par bềng nùs nhơm niam bal gơlơh bè ram ờ geh bơta mrềt, chờ gờm mpồl cau lơgar Việt Nam rê. Bác sĩ Nguyễn Quốc Hùng yal:

-Bơta hơ\ niam ngan là he neh lơh dùl broă kuơ màng ngan, geh nùs nhơm dong kờl làng bol, mơya gàr niam ngan bơta niam ờ do ờ dă. Ngai hơ\ bol a` geh di pơgăp 100 nă cau lơh broă tàm mpồl hơ\ mìng kờ` rò 30 nă cau mơ. Tàm tiah ờ geh bơta niam ờ do  dă hơ\, ală cau ờ su\k.

Mơya tu\ đơs mờ oh mi mang do geh kơnòl kuơ màng den bơh cau măi rơndeh tus mờ cau lơh broă ndrờm rơcang bal lơm, tài broă kờ` lơh ngan hơ\, mờ broă geh lơh niam bơne\ mờ ring niam ngan.

Kờ` drơng broă kham, sơm kòp mờ sơndră mờ kòp Covid-19, hìu sơnơm tam cah is sồ 1 mờ sồ 2 càr Quảng Ninh neh geh ai lơh broă, phan geh tơl ală bơta măi mo\k, phan lơh sơnơm pa, bè: măi tă nhơm, măi chụp X-Quang tơn tềng hơ\, moniter, măi jồr mhàm…

Bác sĩ Nguyễn Quốc Hùng, kuang atbồ hìu sơnơm tam cah is sồ 2 càr Quảng Ninh (đah kiao) bơto sồr mpồl cau lơh sơnơm bè broă lơh

Bal mờ broă hòi jà mpồl cau lơh sơnơm geh bơta ngăc ngar tàm broă lơh uă bơh ală hìu sơnơm tàm càr tus lơh jăt kơnòl, tus bal mờ mpồl cau lơh sơnơm geh hòi jà geh uă cau pa mu\t lơh broă.

Lo\ Vũ Thị Vân Anh, cau pa jơh bơsram geh hòi jà lơh broă tàm hìu sơnơm tam cah is sồ 1 [òn dờng Móng Cái yal: Broă tàm hìu sơnơm tơngai sơnrờp mùl màl gar bòl ngan, ală cau gơlơh bè ờ jai tă nhơm tài broă uă ir, cau lơi kung ndrờm lơh ngan uă rơlao mờ broă lơh bè ờs rơlao 2 dơ\, 3 dơ\ jăt mờ bơta pràn:

-Rài kis kung gơtìp tam gơl uă ngan, tài tàm hìu kung neh mờng mờ rài kis geh mè bèp, geh bơyô… Tu\ mu\t tàm do tam cah is do, bol a` pal ơm tàm do tơn, ờ gơtùi l^k bơdìh.

Uă tu\ mè bèp hòi điện thoại den a` kung lơh ngan lah mè bèp ba` ngòt. Jơh ală mpồl y bác sĩ tàm do sùm tam sồr bal pal lơh gơs niam kơnòl mờ kung pơnyờ să ngan tu\ geh là ală cau sơnrờp ngan tus bal mờ broă sơndră mờ kòp.

Ờ gơtùi l^k bơdìh, ngai kung bè mang pal ơm àtm hìu sơnơm, ală cau gơtìp tam cah is sùm gơlơh ờ su\k ơm, ngòt. Hơ\ là nùs nhơm bal.

Bơdìh mờ broă lơh jăt nền nòn ală kơrnoăt tam cah is, sền gròi bơta pràn kơl dang să jan mờ ală broă lơh tòm, mpồl cau lơh broă tàm do gam gơs ală cau bơyô gơwèt mờ ală cau “[òn lơgar bal”. Bi Hoàng Phúc Điệp rê bơh lơgar Lo tàm mpồl cau tam cah is 14 ngai yal:

-Rê tus tàm do a` gơlơh mùl màl bơtoah ngan. Tài a` kung bơh tàm lơgar gơbàn kòp bơh lài. Tàm tiah hơ\ den a` ngòt ngan, tu\ lơi kung ngòt sùm, kung kơlôi tàm nùs nhơm ờ g^t cau gơbàn kòp lơi lah ờ.

Tơnơ\ mờ tu\ rê tus tàm do, geh ală bác sĩ sền gròi là ờ geh bơta lơi den a` gơlơh nùs nhơm chờ hờp ngan. Ală bác sĩ, y tá bơh broă lơh dềt ngan bè chèo pơn kung geh ală bác sĩ ai bol a` in sơl, niam ngan, geh sền mhàm jơh ală bơta, hơ\ sồng jơh ală bơta lơh a` gơlơh bơtoah ngan tu\ geh rê wơl tàm do.

Tơnơ\ mờ 14 ngai tam cah is, sền cồng nha niam ờ do ờ dă, săp `o\ bal mờ dà măt chờ bơh ală cau geh rê wơl mờ hìu nhă, mờ cau pròc mhàm gơlơh chờ hờp mờ gơboh gơbài ngan. Ală cau lơh sơnơm pơn jăt tai ơm lơh mờ broă lơh să tòm.

Bác sĩ Nguyễn Thị Phương, lơh broă tàm anih lơh sơnơm sền gròi kòp dunia càr Quảng Ninh kung bè ală cau bác sĩ ndai uă poh do ờ geh tơngai rê mờ hìu nhă. Tu\ boh bơr mờ bol a`, dà măt lo\ gơhòr tài kah kòn:

-Ơm tàm tiah do bol a` kung ai là să tòm pal là cau sơnrờp ngan tàm broă sơndră mờ kòp gơtòp do, den tàng să tòm a` rê tàm hìu kung tam cah is mờ ală cau tàm hìu nhă.

A` neh ơpah dùl nă să a` ơm kis tàm 1 hìu ndai, kis is kờ` sền gàr cau tàm hìu nhă, ai ală oh mi gam lơh broă tàm mpồng nhàr dà lơgar, pleh mờ broă di gơlan gơtòp kòp uă ngan. Broă a` neh rơwah den ờ gơtùi ơm tai.

Rùp rài ală cau lơh sơnơm soh ào kò ală ngai do sơlơ gơs đềt mềr rơlao mờ ală cau. Kòp gam gơbàn kal ke, ală cau lơh sơnơm gam pơn jăt tai là cau kơl dìng pin dờn ngan làng bol dê.

Mờ ală cau lơh sơnơm kung geh broă tơnkah is ngai lơh sơnơm Việt Nam jăt broă lơh is, bè jơnau yal bơh bác sĩ Nguyễn Quốc Hùng, kuang atbồ hìu sơnơm tam cah is sồ 2 càr Quảng Ninh yal:

-Ngai 27 nhai 2 geh tu\ oh mi tàm mpồl sơndră mờ kòp geh tu\ mìng chờ gờm bal bơh tàm internet, di gơlan ờ gơtùi tàm tìp bal.

Mùl màl geh broă, jăt broă lơh, bol a` neh mu\t tàm broă lơh do den bol a` kung g^t pal là mpồl lơh broă tòm kờ` làng bol sền, kờ` làng bol iang nùs, di lah kòp gơbàn den cau kòp kung geh anih kờ` pin dờn.

Hơ\ là bơta gơboh gơbài ngan bơh ală oh mi bol a` dê tàm ngai tơnkah ngai cau lơh sơnơm nam do.

Cau mblàng Ndong Brawl