VOV4.K’ho - Kis tàm kơnhoàl Krông Năng, càr Dak Lak, mơya bi Nông Văn Tân geh [òn lơgar tòm bơh càr Cao Bằng.

Tàm [òn ơm kis kung geh gal cau bơh [òn lơgar bal tus ơm kis mờ lơh broă, bi tus dờng kung gam geh uă mờ jơnau đơs then, đờng tính bơh [òn lơgar tòm, den tàng, bu\ lah ơm kis mờ lơh broă tàm ù tiah Tây Nguyên, mơya bi sùm gơboh kờ` mờ lơh geh mpồl đờng tính, đơs then kờ` prăp gàr mờ bơto jơnau đơs then kòn cau bi dê tàm [òn lơgar pa.

Bơh uă nam do, săp ntas đờng tính, đơs then bơh ală cau tàm mpồl Tiếng Tính [òn lơgar neh gơs mờng ngan gơwèt mờ tơl nă làng bol kis tàm [òn Ea Kanh, xã Dliê Ya, kơnhoàl Krông Năng, càr Dak Lak.

                                           Bi Nông Văn Tân (đah kiao) bal mờ đờng tính 

Mpồl do geh crơng gơs bơh nam 2012, tu\ do geh 20 nă cau tus bal. Do là dùl mpồl tòm tàm broă đơs crih tamya [òn lơgar dê, tus bal pơrlòng uă dơ\ geh bơyai lơh dờng tàm càr mờ càr ndai, mờ geh uă ngan khà pơn jờng.

Bi Hoàng Văn Quyết, cau tàm mpồl Tiếng Tính [òn lơgar, [òn Ea Kanh, xã Dliê Ya, kơnhoàl Krông Năng pà g^t:

-A` tus bal mờ mpồl do tus tu\ do neh 4 nam. Bơh dềt kung iăt jơnau đơs then, jơnau đơs crih den go\ gơlơh kung gơboh ngan sơl. Geh broă dong kờl bơto nền nòn bơh bi Tân dê tai den tàng rơhời a` kung g^t, lài ngan là geh tìp bal, dơ\ 2 là rơnàng kơnòm să kung kơ\p kờ` prăp gàr mờ tơnguh niam bơta niam chài rơgơi kòn cau Tày, Nùng bơh [òn lơgar tòm dê.

Atbồ mpồl do là bi Nông Văn Tân, kòn cau Tày, deh nam 1987. Jăt mè bèp tus tàm càr Dak Lak ơm kis mờ lơh broă neh rơlao 30 nam, bu\ lah ờ hềt dùl dơ\ lơi rê còp [òn lơgar tòm hờ càr Cao Bằng, mơya bơh tu\ gam dềt, bi sùm geh iăt jơnau đơs then, săp ntas đờng tính bơh bèp bal mờ wa teh mờ đơs.

                                          Mpồl đờng tính tàm dùl dơ\ lòt đơs crih tamya

Tu\ neh dờng, bi iăt rơjô, ku\p tàm [ang casette ală săp đờng tính mờ jơnau đơs then kờ` bơsram. Rơhời, ală jơnau đơs hơ\ gơmu\t tàm nùs nhơm mờ bồ tơngoh gơs jơnau kờ` gơboh. Bi crơng gơs mpồl Tiếng Tính [òn lơgar, tơrgùm ală cau geh nùs nhơm kờ` gơboh bal tàm [òn lơgar, bơsram, prăp gàr, bơto bơtê ală jơnau đơs then, ală săp teh đờng tính.

Pah tu\ ru ờ lơh broă, bi Nông Văn Tân lòt gùt tiah jòi ală jơnau đơs then yau, then niam. Tàm kàl rơlô bơkang, bi sùm pờ ală ơdu\ bơto gời ờ sa priă kờ` bơto đờng tính, đơs then ai jơh ală cau kờ` bơsram in. Ờ mìng tàm [òn, xã mờ uă cau gam kơnòm să, oh mi, mlo\ wa tàm ală kơnhoàl ngài tus, geh tu\ bơh càr Dak Nông kung tus bơsram sơl.

Ờ hềt jơh rài bồ tơngoh, bi Tân gam bơsram mờ jòi bơceh lơh đờng tính. Jơh ală đờng geh ngui tàm mpồl ndrờm geh bi lơh is. Bi neh lơh niam wơl đờng, gơtùi crăp micro kờ` dong kờl tàm broă teh tàm jơnang đơs crih geh [uơn rơlao.

Săp ntas đờng tính, đơs then là phan sa nùs nhơm ờ gơtùi ờ geh bơh kòn cau Tày, Nùng kis ngài mờ [òn lơgar tòm dê

Bơdìh hơ\ tai, bi Tân gam lơh đờng tính 6 che mờ 12 che, là đờng tính yau kòn cau Tày, Nùng dê. Bi Nông Văn tân yal:

-Bơh tu\ crơng gơs mpồl, pờ ơdu\ bơto tus tu\ do den làng bol tàm [òn tàm xã kờ` ngan, sồr oh kòn tus bal bơsram kờ` prăp gàr bơta niam chài rơgơi kòn cau. Să tòm a` kung bơh nùs nhơm gơboh kờ` lơh gơs ală đờng do, kung lơh wơl sùm uă dơ\ ngan, geh tu\ geh ală mang bơh 11 tus 12 jơ kung ờ hềt rê b^c sơl, ai măi tồl sùm tus tàm tu\ lơi geh săp ntas di ngan.

Tài đờng a` lơh tàm do is mờ đờng tàm tiah đah tô dà lơgar, tàm do geh crăp micro tơl, [uơn tàm broă teh tu\ l^k đơs crih den tàng geh uă ngan cau kờ` bơh tàm gùt lơgar.

Pơ-ùr, kung là cau tàm mpồl mờ bi Nông Văn Tân dê tàm broă prăp gàr săp ntas đờng tính, săp đơs then, lo\ Trần Thị Thuyết đơs, tơnơ\ mờ ală tu\ ờ ru mờ broă lơh sa, jơh ală cau tàm hìu ai đờng tính teh mờ đơs then, do là bơta gơlơh bè geh che bơrkoăt nùs nhơm gơboh bal ală cau tàm hìu nhă dê sơlơ gơboh gơbài rơlao.

-Lài mờ tu\ gơboh mờ bi den a` neh g^t bi gơboh ngan mờ jơnau đơs crih mờ gơboh mờ jơnau đơs crih kòn cau. Tơnơ\ mờ neh bao den a` kung kờ` mờ dong kờ` bi sơl. Bi geh crơng gơs mpồl đơs then đờng tính den a` tus bal bơsram mờ ală oh mi tàm [òn, hơ\ kung là bơta chờ, cau kơnòm să tu\ do kung kơ\p kờ` tơnguh bơhiàn niam chài rơgơi kòn cau he dê.

Rơlao 30 nam ơm kis đềt mềr tàm [òn lơgar pa, săp đơs then, săp ntas đờng tính là phan sa nùs nhơm ờ gơtùi ờ geh, là jơnau yal wơl bè [òn lơgar yau Cao Bằng kòn cau Tày, Nùng kis tàm [òn Ea Kanh, xã Dliê Ya, kơnhoàl Krông Năng dê.

Ồng Nông Văn Páo, kuang atbồ [òn Ea Kanh pà g^t, kơnờm mờ broă tus bal lam sồr bơh bi Nông Văn Tân dê, sơrlèt mờ ală kal ke lài ngan, mpồl Tiếng Tính [òn lơgar ngai sơlơ tơnguh bơtàu, khà cau tus bal sơlơ gal. Tàm hơ\ tai, khà ơruh pơnu g^t đơs then, teh đờng tính ngai sơlơ uă:

-Bi Tân `hăp `har ngan tàm broă prăp gàr bơta niam chài rơgơi kòn cau dê. Tu\ do, bi kung pa bơceh mờ lơh phan teh đơs crih là đờng tính geh làng bol kòn cau Tày, Nùng ală xã tàm kơnhoàl Krông Năng geh tu\ là ală tiah ndai gam tus dan blơi.

Ală broă lơh bơh bi Nông Văn Tân gam pơn jă tai prăp gàr tu\ mpồl Tiếng Tính [òn lơgar ngai sơlơ hòi jà uă cau tus bal. Ờ mìng prăp gàr mờ tơnguh ală bơta niam chài rơgơi bơh bơta niam chài rơgơi do tàm [òn lơgar pa, săp ntas đờng tính, đơs then gam pơgồp bal tàm broă lơh geh uă rơlao tai bơta niam chài rơgơi tàm ù tiah kơh bơnơm càr Dak Lak dê.

Cau mblàng Ndong Brawl