VOV4.K’ho - Drim òr (14/2), ồng Đoàn Văn Việt, Chủ tịch UBND càr Lâm Đồng, kuang atbồ mpồl đơng lam sơndră mờ kòp Covid-19 càr Lâm Đồng bal mờ kuang đơng lam Sở Y tế, anih sền gròi kòp tê jê să càr do neh geh dơ\ lơh broă mờ sền gròi mùl màl broă sơndră mờ kòp sa sồt gùng tă nhơm tài jơi pa bơh virus corona (Covid-19) tàm hìu sơnơm II Lâm Đồng.

Hìu sơnơm neh crơng gơs mpồl đơng lam mờ mpồl sơndră mhar kờ` g^t ală bơta bơh kòp Covid-19 lơh gơbàn kờ` geh ală broă sơndră geh cồng nha; crơng gơs anih kham rơwah, tiah tam cah is kuơ màng, rơcang tơl phan lơh broă, phan lơh sơnơm kờ` tơl niam broă sền kờ` g^t kòp, tam cah is mờ sơm kòp tu\ geh cau gơtòp kòp Covid-19; mờ pơgồp bal mờ Sở Y tế càr Lâm Đồng bơto bè broă sơndră mờ broă sơm kòp ai mpồl y, bác sĩ bal mờ cau lơh broă tàm gùt hìu sơnơm in.

Cau mblàng Ndong Brawl