Tàm ngai chờ, ồng Nguyễn Văn Nên jờng rơ nùs nhơm tam klac bal, pơgồp bal bơta pràn, dùl nùs bal bơh làng bol ƀòn 1, xã Bình Chánh dê tàm broă lam lơh ală dơ̆ lam sồr, là tiah pơn rơ jak tàm srơh tam klac dờng, gàr niam nùs nhơm tam klac bal ƀòn lơgar at tê bal bơt bơtàu thôn, ƀòn tơlir- sàng goh- niam bơnĕ; mờ kung ai tơnggŏ bơta pin dờn rài kis bơh làng bol ƀòn 1 dê geh ngai sơlơ niam rlau, bơta lơngăp lơngai kơ̆ kơljap, bơta niam rài kis bơtàu tơnguh, lơh geh jơnau kờñ lik klàs rƀah kơ̆ kơljap.

Di dơ̆ do, Ƀí thư Thàñ ủy Hồ Chí Minh ồng Nguyễn Văn Nên neh pà phan mờ jàu khà priă 10 tơlak đông ai ƀòn 1 in. Bal mờ hơ̆, mpồl kwang bàng Thàñ ủy Hồ Chí Minh kung dờp broă geh jàu pà 15 bơnah priă dong kờl bơsram ai kơnòm bơsram rƀah gơ wèt hìu bơnhă rƀah mờ ndrờm bè cau rƀah in, jat broă rơndap lơh lam sồr bơh ƀòn 1 dê tàm nam 2023. Uă bơnah phan pà bal mờ priă dong kờl bơsram bơh Ủy ƀan Mặt trận dà lơgar Việt Nam, ƀòn dờng Hồ Chí Minh mờ gơnoar atbồ ƀòn dờng dê kung geh jàu pà ai ală hìu bơnhă, ală kơnòm bơsram geh rài kis kal ke in.