Đại tướng ồng Tô Lâm tơngŏ nùs nhơm chờ hờp tŭ xã mờng lơh broă sa sươn sre, bềng bơhiàn kăc màng Hưng Tân là xã lơh geh tơl broă jàu bơ̆t bơtàu ƀòn lơgar pa mờ ƀòn lơgar pa tơnguh jơnhoa bơh sơnrờp bơh kơnhoàl Hưng Nguyên dê. Ƀộ trưởng Ƀộ Kwang àng jờng rơ ală cồng nha pơnrơ ngan mờ Đảng ƀộ, gơnoar ătbồ mờ Làng bol xã Hưng Tân đơs bal, tiah làng bol ơm kis ƀòn Phan đơs is neh lơh geh.

Ƀộ trưởng ồng Tô Lâm kung kơ̆p kờñ làng bol ƀòn Phan pơn jăt tai tam klăc bal, tơrgùm bal pràn bơ̆t bơtàu ƀòn lơgar, sùm dipal là ƀòn lam lài, là ƀòn lơh krơh bơh xã lơh geh tơl ală broă jàu bơ̆t bơtàu ƀòn lơgar pa tơnguh jơnhoa. Ƀộ trưởng sồr mpồl kwang àng ală kâp bơh càr tus xã, pal gĭt nền broă gơlik geh; di tŭ gŏ, yal mờ bơsong geh cồng nha ală broă gơlik geh bơh tàm ƀòn lơgar tơn; sùm gàr kơ̆ bơta ring lơngai, lơngai lơngò ai Làng bol in.