VOV4.K’ho- Ngai 22/04, Phó Thủ tướng Duh broă sùm Cíñ phủ ồng Phạm Bình Minh đơng lam Pơrjum pờ tơn tàm internet jơh gùt lơgar lam lơh jăt Broă lơh jơnau kờñ dà lơgar bơ̆t bơtàu ƀòn lơgar pa mờ Broă lơh jơnau kờñ dà lơgar tơrmù rƀah kơ̆ kơl jăp jŏ jòng tơngai bơh nam 2021- 2025.

Tàm pơrjum, ala măt ală ƀộ, ngàñ, ală tiah sền swì broă lam lơh jăt Broă lơh jơnau kờñ dà lơgar bơ̆t bơtàu ƀòn lơgar pa tàm tơngai tus gơ jăt bal mờ rơndăp wơl gah lơh broă sa sươn sre neh lơh jăt geh cồng nha, pơgồp bơnah dong bơtàu tơnguh ƀòn lơgar, bơtàu tơnguh uă rài kis làng bol in. Ală kwang bàng kung neh cribơyai mờ ring bal ală broă lơh nàng lam lơh jăt ală broă lơh jơnau kờñ dà lơgar tơngai bơh nam 2021- 2025.

Đơs pơndŭt pơrjum, Phó Thủ tướng Duh broă sùm Cíñ phủ ồng Phạm Bình Minh sồr tàm nhai 05 tus, ală ƀộ, ngàñ geh jàu kơnòl pal mhar geh ală jơnau bơto pơlam, kĭ ring bal ală broă lơh tơngume, rơndăp broă lơh bơnah. Ală tiah pal rơcăng lài geh ală sră nggal lơh jăt loh làng jơnau bơto pơlam bơh Dà lơgar dê mờ sơlơ tơnguh tai broă lòt sền, jăt sền cồng nha lơh jăt ală broă lơh jơnau kờñ dà lơgar.

Cau mblàng Lơ Mu K’Yến