VOV4.K’ho - Phó Thủ tướng ồng Vũ Đức Đam pa kĭ kơrnoăt kĭ broă lơh “Bơto bơtê nùs nhơm pơn yờ să kăc màng, nùs nhơm, rài kis chài rơgơi ai ơruh pơnu, kơnòm pa tào, kơnòm dềt tàm internet, tơngai bơh nam 2022 tus 2030”.

Jơnau kờñ bal bơh broă lơh dê là nàng tơnguh uă cồng nha broă bơto bơtê bơta pơn yờ să kăc màng, nùs nhơm, rài kis chài rơgơi ai ơruh pơnu, kơnòm pa tào, kơnòm dềt tàm internet, bơh tŭ hơ̆ pơgồp bal tàm broă bơ̆t bơtàu rơnàng kơnòm să geh pơn yờ să kăc màng, nùs nhơm kơ̆ dơn, geh uă nùs nhơm kờñ gơboh mờ dà lơgar, ngăc ngar, chài rơgơi, git lơh jăt adăt boh lam, geh kơnòl mờ mpồl bơtiàn, geh nùs nhơm kơ̆p kờñ bal mờ bơta ngăc ngar tơrgùm bal mờ dunia tàm rài lơh broă mờ sồ. Broă lơh do lơh ngan tus nam 2025 geh rơlao 90% kwang bàng đoàn, mpồl, đội, đoàn viên, cau tàm mpồl mờ 80% ơruh pơnu, kơnòm pa tào geh lam sồr mờ tus bal lơh jăt kơrnoăt tàm internet; tus nam 2030, geh 100% mờ 90% ală jơnau kờñ ndrờm bal. 100% xã, sơnah ƀòn geh anih yal tơngit bè gùng dà broă lơh nùs nhơm ơruh pơnu, kơnòm pa tào mờ kơnòm dềt.

Cau mblàng Ndong Brawl