VOV4.K’ho - Ờ tơl dùl nhai tai, kơnòm bơsram ală kấp bơsram tàm càr Dăk Lăk geh mŭt tàm nam bơsram pa 2022-2023. Nàng gàr niam broă bơto mờ bơsram, broă rơcang phan bơna gam geh ală kơnhoàl, ƀòn dờng, thị xã chồl pràn, ai geh ală gùng dà broă lơh nàng rơcang lài, gàr niam broă bơto bơsram geh niam tàm tơl ală bơta.

                            Kơnhoàl Krông Bông tă 25 tơmàn đong lơh 66 jơdŭ bơsram

Jăt Sở Giáo dục mờ Đào tạo càr Dăk Lăk yal, nam bơsram 2022-2023, gùt càr geh 478 rơbô 180 nă kơnòm bơsram tàm 1 rơbô 17 hìu bơsram, bơh mầm non tus kấp 3. Nàng gàr niam phan bơna ai nam bơsram pa in, UɃÑZ càr neh tă mờr 477 tơmàn đong bơcri tàm broă lơh mờ blơi phan drơng tàm broă bơto mờ bơsram. Tàm hơ̆, geh mờr 389 tơmàn đong ngui tàm broă lơh pa 350 jơdŭ bơsram, lơh niam wơl 170 jơdŭ bơsram neh klar, lơh pa pơngàr, ƀlàng nhơl, mpồng hìu bơsram ai uă hìu bơsram in; geh di pơgăp 88 tơmàn đong geh ngui nàng blơi kơƀàng, kơgĕ, mpàn jù cih mờ uă bơta phan bơto mờ bơsram ndai.

Cau mblàng Ndong Brawl