VOV4.K’ho - Đoàn mpồl ală anih lơh broă bal mờ Mpồl lơh sa kă bro càr Dăk Nông pa bơyai lơh tam jào broă lơh ơruh pơnu “Sòl àng gùng ƀòn” ai làng bol bal mờ gơnoar atbồ tàm xã Trường Xuân, kơnhoàl Dăk Song in.

                      Ơruh pơnu gah lơh ồs đèng càr Dăk Nông crăp ƀong đèng sòl ànggùng ƀòn

                          Đoàn ơruh pơnu jào pà broă lơh sòl àng gùng ƀòn tàm xã Trường Xuân in

Broă lơh do geh 40 nơm ƀong đèng năng lượng măt tơngai, sòl àng 2 gơl gùng tàm ƀòn Njang Bơ mờ ƀòn Ding Plei, xã Trường Xuân mờ bơta jòng rơlao 2 kơi sồ. Broă lơh do kờp jơh geh 60 tơlăk đong geh đoàn viên, ơruh pơnu ală anih lơh broă, mpồl lơh broă tàm càr tă pơgồp bal, dong kờl; ơruh pơnu gah ồs đèng càr Dăk Nông lơh. Ală gơl gùng tàm 2 ƀòn geh sòl àng, geh pơgồp bal tàm broă sền gàr bơta lơngăp lơngai ờ do ờ dă tàm ală ƀòn ơm kis, ai geh bơta niam nàng làng bol in lòt rê ƀuơn. Broă lơh “Sòl àng gùng ƀòn” kung tơlik nùs nhơm lam lài, lơh broă nùs nhơm dong kờl tài rài kis mpồl bơtiàn bơh ơruh pơnu càr Dăk Nông dê tàm broă tus bal bơ̆t bơtàu ƀòn lơgar pa.

Cau mblàng Ndong Brawl