VOV4.K’ho - UɃÑZ càr Gia Lai pa tơlik Rơndăp broă lơh jăt Nghị quyết sồ 23 ngai 02 nhai 3 nam 2022 bơh Cíñ phủ bè broă tơnguh bơtàu lơh sa tàm tiah nhàr dà lơgar ù gờl tàm càr do dê.

Càr Gia Lai geh 90 kơi sồ gùng nhàr dà lơgar rềp mờ càr Rattanakiri, lơgar Campuchia. Tiah nhàr dà lơgar bơh càr tŭ do geh 7 xã bơh 3 kơnhoàl tiah nhàr dà lơgar mờ kờp jơh khà làng bol mờr 50 rơbô nă gơwèt 20 jơi bơtiàn kòn cau ơm kis bal. Nàng lơh jăt kơnòl lơh niam ală jơnau neh geh ai tàm Nghị quyết sồ 23 bơh Cíñ phủ, UɃÑZ càr sồr ală sở, gah lơh broă, ală tiah tơrgùm bơ̆t bơtàu ală broă lơh nàng lơh jăt jơnau kờñ bơh rơndăp broă lơh do mờ lam sồr uă tơngu me Nghị quyết bơh Cíñ phủ; tơnguh broă lam sồr mờ lơh jăt ală sră nggal adăt boh lam bè tiah nhàr dà lơgar mờ cíñ phủ bàr lơgar Việt Nam mờ Campuchia neh kĭ hơ bal.

Cau mblàng Ndong Brawl