Tàm ală dơ̆ tìp mat, cau tĕ khà càr Gia Lai ai tơnggŏ bơta chờ hờp tềng đap cồng nha bơh pơrjum dơ̆ 4, Quôk hội khoă 15 dê. Cau tĕ khà kung đơs niam nùs nhơm geh kơnòl bơh ală kwang bàng Quôk hội càr Gia Lai dê neh geh uă jơnau đơs tă pơgồp kuơmàng tàm cồng nha pơrjum dê.

Cau tĕ khà dan uă broă gam ờ niam tàm kơnhoàl bè sền gròi bơcri priă, lơh niam phan bơna ƀòn lơgar, ngan là bè gùng lòt. Bơta bŭ dà tàm kơnòm dềt gơguh uă tàm nam lài, ờ geh anih nhơl ñŏ ai kơnòm dềt tiah ƀòn lơgar, tiah jơi bơtiàn kòn cau dùl êt nă cau in. Tàm dơ̆ tìp mat, uă cau tĕ khà kung sồr ală gah lơh broă geh gơnoar geh ală broă lơh gàr kơ̆ kơljap drà kă bro phơng sih, phan ngui lơh sa suơn sre nàng cau lơh broă sa in iang nùs lơh sa.