VOV4.K’ho - Ngai 01 nhai 07, ala măt Ƀộ Cíñ trị ồng Võ Văn Thưởng, kwang geh jơng tàm Ƀộ Cíñ trị, Thường trực Ƀan Ƀí thư kĭ ai ngui Cỉ thị sồ 14 bơh Ƀộ Cíñ trị bè broă pơn jăt tai tơnguh broă đơng lam bơh Đảng gơwèt mờ Mpồl cau chài cah rơña Việt Nam tàm bơta pa.

Nàng pơn jăt tai tơnguh broă đơng lam bơh Đảng, tơnguh rơlao tai gơnoar broă bơh Mpồl cau chài cah rơña Việt Nam tàm bơta pa, Ƀộ Cíñ trị sồr: Kấp ủy, mpồl đảng ală kấp lơh jăt nền nòn, tơnguh uă jơnau git wă bè gơnoar, kơnòl bơh Mpồl cau chài cah rơña Việt Nam là Mpồl lơh broă cíñ trị-mpồl bơtiàn- broă lơh; Pơn jăt tai tơnguh, pồ tơl, bơ̆t bơtàu Mpồl cau chài cah rơña Việt Nam ngai sơlơ pràn kơl dang bè broă bơyai lơh; Tam gơl pa pràn kơl dang bè tơngu me broă lơh, gùng dà broă lơh bơh mpồl dê; Tơnguh gơnoar bơh Mpồl cau chài cah rơña tàm broă lơh mờ lơgar ndai làng bol dê; pơn jăt tai pờ ơnàng broă lơh git gơ̆p, lơh broă bal mờ ală mpồl lơh broă bal mờ cau dùl nă să gơguh jăk tàm tiah do mờ tàm dunia; tus bal sền gàr bơta tờm nùs nhơm bơh Đảng; Mpồl kwang bàng đảng Cíñ phủ đơng lam Cíñ phủ gờñ geh kơrnoăt lơh jăt tơngu me Cỉ thị do; đơng lam ală ƀộ, gah lơh broă bal mờ gơnoar atbồ ală tiah ai geh bơta ƀuơn broă lơh bơh mpồl cau chài cah rơña ală kấp in di jăt mờ jơnau cih ai bơh adăt boh lam dê...

Cau mblàng Ndong Brawl