VOV4.K’ho- Drim ngai 25/7, tàm Hìu lơh broă Quôk hội geh lơh cribơyai ai jơnau đơs tàm Jơnau rơcang cih Nghị quyết ai tơlik kơrnuat pal jat dơ̆ pơrjum Quôk hội (tam gơl). Tàm dơ̆ cribơyai, ală kwang bàng neh tơrgùm ai jơnau đơs tàm ală tơngume tờm bơh jơnau rơcang cih Nghị quyết dê nàng kờñ pơgồp bơnah sơlơ tơnguh broă lơh bơh Quôk hội dê ngai sơlơ mờng chài, ring niam mờ tơnguh rlau tai bơta niam, cồng nha ală dơ̆ pơrjum Quôk hội. Uă jơnau đơs đơs là, pal tơnguh broă ai tơlik Nghị quyết gơs broă ai tơlik Adat boh lam nàng gàr niam bơta loh làng, kràñ cê tàm broă lam lơh jat kung bè dipal jat mờng chài bơh 2, 3 lơgar gam ngui dê.

Ală kwang bàng kung tơrgùm ai jơnau đơs bè broă bơtơl jơnau cih ờ yal sră yal, jơnau yal tàm 2, 3 dơ̆ pơrjum gùt mpồl nàng kờñ ờ roh uă tŭ jơ dơ̆ pơrjum dê mờ kwang bàng Quôk hội geh tai tŭ jơ nàng tă pơgồp jơnau đơs, tàm pơndang; Bè bơ tơl jơnau cih ờ ai kwang bàng Quôk hội ngui sră nggal ờ hềt geh sền sơ wì; bè broă rơndap lơh, tŭ tơngai, sră nggal sền sơ wì, lơh nền ală broă kuơmàng bè lơh sa- mpồl bơtiàn; bè bơta ờ ring bal adat boh lam đah ală sră nggal pơlam lơh jat jơnau cih adat boh lam dê.

Cau mblàng K’Duẩn