VOV4.K’ho- Ồng Đỗ Văn Chiến, Củ tịc Ủy ƀan Mặt trận dà lơgar Việt Nam bal mờ Mpồl kwang bàng pa lòt còp, pà phan ai cau Khmer geh pơn rơ jak tàm ƀòn dờng Cần Thơ in di sa tềp bơhìan Chol Chnam Thmay nam 2022.

Ồng Đỗ Văn Chiến pà phan ai ală cau kơ đơng yàng Phờk, cau jat yàng Phờk in di sa tềp Chol Chnam Thmay

Ala mat Đảng, dà lơgar, ồng Đỗ Văn Chiến nting bơr gờm chờ sa tềp Chol Chnam Thmay tus hoà thượng Đào Như, Phó Củ tịc Mpồl duh broă drơng gàr gah jat yàng Phờk Việt Nam; kwang atbồ Học viện Phật giáo Nam tông Khmer; kwang atbồ Mpồl duh broă gah jat yàng Phờk Việt Nam ƀòn dờng Cần Thơ bal mờ ală hòa thượng, cau kơ đơng yàng Phờk, cau jat yàng Phờk mờ làng bol kòn cau Khmer wă rò sa tềp bơhìan Chol Chnam Thmay ram mhŭ, chờ hờp, gơboh gơbà mờ lơh geh uă cồng nha tàm tơngai tus. Ồng Đỗ Văn Chiến kơp kờñ, ală hòa thượng, cau kơ đơng yàng Phờk, cau jat yàng Phờk bal mờ làng bol kòn cau Khmer pơn jat tai lam sồr kòn sau lơh ngan bơsram, bulah kal ke kung ờ gŏ di sang tĕ bơsram. Mờ kung kơp kờñ làng bol pơn jat tai tơnguh nùs nhơm tam klac bal, at tê bal lơh jat niam ală gùng dà, broă lơh bơh Đảng, bơta dong kờl, adat boh lam bơh dà lơgar dê, pơgồp bơnah bơt bơtàu ƀòn lơgar ngai sơlơ bơtàu tơnguh.

Cau mblàng K’Duẩn