Quôk hội khoá 15 geh 499 nă kwang bàng. Tàm hơ̆ geh 89 nă kwang bàng Quôk hội là cau kòn cau, geh 5 nă cau duh broă yàng; 119 nă cau pơgru mờ cau pơgru lài do. Đơs tàm dơ̆ tìp mat, Củ tịc Quôk hội ồng Vương Đình Huệ đơs là, dơ̆ tìp mat do là broă lơh geh kwơ, bềng lìu bơta tam klăc bal đah ală jơi bơtiàn, cơng tàng tơngŏ ai bơta ring bal nùs nhơm mờ broă lơh, gĭt wă kơnòl bơh Quôk hội dê.

Củ tịc Quôk hội sồr ală kwang bàng Quôk hội là cau kòn cau dùl ết nă cau, cau jak chài, cau geh bồ tơngoh jak, cau duh broă yàng mờ cau pơgru lơh ngan tus bal tàm broă lơh bơt bơtàu, lơh sir ală adat boh lam kung bè tă pơgồp jơnau đơs, jat sền broă lơh jat adat boh lam bè broă lơh jơi bơtiàn kòn cau, gah jăt yàng, bơtàu tơnguh bơto bơtê, khoa họk- kông nghệ nàng kờñ bơt bơtàu tiah làng bol kòn cau dùl ết nă cau mờ tiah kơh bơnơm in bơtàu tơnguh.