Jơh gùt càr tŭ do geh rlau 1 rơbô hìu bơsram bơh kấp mầm non tus kấp pe, mờ mờr 470 rơbô nă kơnòm bơsram, tàm hơ̆, kơnòm bơsram kòn cau dùl ết nă cau tàm kấp mầm non geh tus 35%, kơnòm bơsram kấp dùl geh 40%. Nam bơsram 2021 - 2022, geh 98% kơnòm bơsram kòn cau dùl ết nă cau kấp dùl lơh sir bơto bơtê dà yoan, khà kơnòm bơsram kòn cau dùl ết nă cau mŭt bơsram ơdŭ 1 di sơnam (6 sơnam) geh tus 99,8%.

Tơngai tus, gah Giáo dục mờ Đào tạo càr Dăk Lăk pơn jat tai sơlơ tơnguh tai broă lơh bơto bơtê tơnguh uă bơta chài ai kwang bàng atbồ, cau pơgru in bè bơta chài, broă lơh lam bơto bơtê dà yoan ai kơnòm bơsram làng bol kòn cau dùl ết nă cau bơh kấp mầm non mờ kấp dùl in. Sơlơ lời tŭ jiơ bơto bơtê tai dà yoan 2 tiết dùl poh bơh ơdŭ 1 tus ơdŭ 5; sơlơ bơto tai dà yoan jat tàm jơnau đơs kòn cau dê mờ prap gàr bơhiàn niam chài rơgơi ală jơi bơtiàn kòn cau; sơlơ bơto dà yoan tàm ală môn bơsram mờ broă lơh bơto bơtê...