Bơh 10 lam lơh jat Adat mờ lơh jat Ngai Adat boh lam tàm Dăk Lăk, bơta niam, geh cồng nha broă lơh bơt bơtàu, lam lơh jat adat boh lam geh tơnguh loh làng mờ lơh geh uă cồng nha mpờl gŏ ngan, pơgồp bơnah lơh jat geh cồng nha kơnòl broă sền gàr lơngap lơngai, gàr niam rơndap tap sèng, lơngap lơngai mpồl bơtiàn.

Bơh nam do, ală Sở, ƀan ngàñ, ală kấp ủy, gơnoar atbồ ală tiah tàm càr geh sùm kờp sền, sền gĭt ală jơnau cih pa nàng tam gơl, bơtơl di tŭ, ngan là bè ală gah: lơh niam sră nggal, atbồ ù tiah, lơh jat kơnòl broă dà lơgar. Bal mờ hơ̆, tơl nă kwang bàng, đảng viên, cau lơh broă pal lơh krơh đòm jat, lơh jat adat boh lam. Di dơ̆ do, Ủy ƀan Ñân zân càr Dăk Lăk pà khà jờng ai ală mpồl cau, cau dùl nă să is geh uă cồng nha tàm 10 nam lơh jat Adat Yal tơngĭt bơto bơtê adat boh lam.