VOV4.K’ho- Ngai 01/4, Hội đồng Ñân zân càr Dăk Lăk khóa 10 bơyai lơh pơrjum tơngume dơ̆ 1. Tàm pơrjum, ală kwang bàng neh bơyai lơh sền sơ wì ală sră nggal, jơnau yal sền sơ wì mờ ring bal 9 nghị quyết kuơmàng gơ rềng tus bơtàu tơnguh lơh sa- mpồl bơtiàn bơh càr dê, bè: Nghị quyết bè tơn jŏ tŭ tơngai lam lơh mờ ai priă broă rơndap lơh bơcri priă dà lơgar nam 2021 ai nam 2022 in bơnah priă bơcri bơh kes priă càr dê; lơh nền gùng dà broă lơh bơcri priă mờ tam gơl 2, 3 rơndap broă lơh dờng; rơndap broă tam pà broă rơndap lơh ai priă bơcri lam lơh Broă lơh jơnau kờñ dà lơgar bơt bơtàu ƀòn lơgar pa bơh nam 2022 dê.

Jat hơ̆, tàm nam 2021, kờp jơh priă bơcri dà lơgar kes priă càr dê ờ hềt tă là 476 tơmàn đông geh tàm pơdờn ai nam 2022 in. Càr kung ai 238 tơmàn đông nàng lam lơh broă lơh jơnau kờñ dà lơgar bơt bơtàu ƀòn lơgar pa, broă rơndap lơh nam 2022.

Cau mblàng K’Duẩn