VOV4.K’ho- Rơcăng ai dơ̆ pơrlòng jơh bơsram kâp pe nam 2022, càr Dăk Nông pơn jăt tai lơh jăt broă dong kờl priă măt dong ală cau pơrlòng geh rài kis kal ke, cau pơrlòng là cau kòn cau iang nùs lòt pơrlòng.

Lam bơsram wơl jơnau neh bơsram nàng cau pơrlòng in pơrlòng lơh geh cồng nha niam ngan rlau jơh

Dơ̆ pơrlòng do, càr Dăk Nông geh rlau 6 rbô 870 nă cau pơrlòng lơh sră cih mat dan pơrlòng, tàm hơ̆ geh rlau 1 rbô 580 nă cau pơrlòng là cau kòn cau. Tŭ do, ală hìu bơsram tàm càr gam pơn jăt tai lam bơsram wơl ală jơnau neh bơsram nàng kơnòm bơsram pơrlòng lơh geh cồng nha niam ngan rlau jơh. Ồng Phan Thanh Hải, Phó Kwang ătbồ Sở Giáo zụk mờ Đào tạo càr Dăk Nông pà gĭt, nam do, càr pơn jăt tai lơh jăt broă dong kờl priă rlau 300 rbô đong ai tơl nă cau pơrlòng geh rài kis kal ke, cau pơrlòng là cau kòn cau, dong ală oh iang nùs lòt pơrlòng.

Cau mblàng Lơ Mu K’Yến