Jat jơnau kờp dŭ lài, nam do bơta pràn ngui đèng tàm ù tiah càr Dăk Nông dê gơguh 10% mờ pơgap 135 MW. Nàng ngăc ngar rlau tai tàm broă mŭt ngui, tơnguh uă bơta pin dờn pờ đèng, Kông ty neh kờp sền mờ ala, bơtơl bàr pe gơl gùng che ồs đèng, ală măy mok til, koh tàm gùng che ồs đèng, tơnguh bơta pràn ai trạm biến áp in; lơh jat broă tàm tơrbŏ ngui bơh ngài, tơrmù tơngai gơ sơ̆t đèng tŭ lơh broă halà bơsong bơta aniai. Tus tŭ do, jơh 7 trạm biến áp 110kW mờ ală phan bơna măy mok til koh trung thế tàm Dăk Nông neh geh ngui dơ̆ lĕ bal bơh anih tờm gah ồs đèng dê, sền gĭt sùm, mblàng sền sơ wì broă ngui đèng jat tơl tiah dê nàng bơsong tam pà di pal, bañ lời gơlik geh bơta ngui đèng uă ir gơlam tus gơ sơ̆t đèng. Kông ty kung ai mpồl lơh broă ơm lơh broă tơn nàng di tŭ sền gĭt, bơsong ală bơta gơlik geh nisơna tàm gùng che ồs đèng.