VOV4.K’ho- Tus tŭ do, 90% khà hìu bơnhă rƀah, hìu bơnhă ndrờm bè rƀah tàm càr Dăk Nông geh càn priă dong kờl ờ sa priă cồng uă nàng bơtàu tơnguh lơh sa. Tŭ do càr kung gam pơn jat tai lơh pràn ai khà priă càn dong kờl ờ sa priă cồng uă tus mờ làng bol, dong làng bol bơtàu tơnguh wơl lơh sa tơnơ̆ kòp Kovid-19.

Dăk Nông geh tơl priă càn dong kờl ờ sa priă cồng uă ai cau rƀah in

Tus jơh nhai 6 nam 2022, kờp jơh priă jơng kah ală broă lơh càn priă dong kờl tàm Dăk Nông neh lơh geh 3 rơbô 640 tơmàn đong, gơguh mờr 15% pơndrờm dùl tŭ bal mờ bồ nam. Do là cồng nha gơguh lơh sa jơnhoa ngan rlau jơh bơh lài tus tŭ do. Ồng Đào Thái Hòa, Kwang atbồ anih Ngân hàng Cíñ sác xã hội càr Dăk Nông pà gĭt, ngân hàng neh lơh tơl mờr 1 rơbô 600 mpồl tềm pềr mờ ai càn priă tàm ƀòn lơgar, lơh geh ală bơta ai làng bol in càn priă bơcri mhar ngan rlau jơh, mơkung jat sền, bơto pơlam làng bol in ngui priă càn geh cồng nha. Mờ jơnau kờñ ờ lời hìu bơnhă rƀah, hìu bơnhă ndrờm bè rƀah ờ tơl priă bơcri lơh sa, ngân hàng pơgồp bal niam mờ ală gah, sơnah lơh broă, ală tiah, lơh jat broă kờp sền cau ai càn priă ngan ngồn tơl tiah nàng tam pà khà priă càn di tŭ.  

Cau mblàng K’Hạnh