VOV4.K’ho- Tus tŭ do, càr Dăk Nông gam dồs 28 tơmàn đong priă dong kờl gơwèt mờ ală kwang bàng cau lơh broă gah lơh sơnơm tus bal rcang sơndră kòp Kovid-19. Jat Sở Y tế càr Dăk Nông, jơnau tờm là tài bơh gah lơh sơnơm tơrgùm ai broă lơh rcang sơndră kòp, den broă sền gĭt, bơtơl sră cih mat geh bơnah lơi lơyài. Mìng is khà priă dồs dong kờl gơwèt mờ cau lơh broă lơh sơnơm nam 2021 dê là 28 tơmàn đong, mờ kờp dŭ khà priă nam 2022 dê là rlau 40 tơmàn đong.

Kwang bàng, cau lơh sơnơm Dăk Nong tus bal rcang sơndră kòp Kovid-19

Tàm dơ̆ lùp jơnau tàm pơrjum dơ̆ 4 geh bơyai lơh ngai 26/07, ồng Lưu Văn Trung, Củ tịc Hội đồng Ñân zân càr Dăk Nông đơs là, ờ gơtùi tài bơh khat dùl jơnau gơbàn lơi mờ lơh lơyài broă tă tơm priă dong kờl ai ală kwang bàng, cau lơh broă, ală cau lơh broă tàm tiah lam lài rcang sơndră kòp Kovid-19. Ală gah lơh sơnơm tàm càr pal lơh jơh broă tă tơm broă lơh dong kờl ai ală cau tus bal rcang sơndră kòp tàm nhai 8 tus do tơn.

Cau mblàng K’Hạnh