VOV4.K’ho- Tàm 5 nhai bồ nam 2022, tàm càr Dăk Nông neh git gŏ mờ lơh glài 434 broă lơh tìs ngui đèng, tàm hơ̆ geh 9 dơ̆ kơñau đèng. Kờp jơh priă ai wơl, tơm wơl là mờr 250 tơlak đông. Tŭ do ală mpồl ồs đèng tàm Dăk Nông gam pơn jat tai sơlơ pơgồp bal mờ ală anih lơh broă geh gơnoar tơnguh uă cồng nha broă lơh sền sơ wì, jat sền broă ngui đèng.

Gah ồs đèng kung gàr sùm broă jat sền tàm ală phần mềm điện tử, di tŭ git gŏ khà ngui đèng nisơna nàng dong kờl cau ngui đèng sền jơnau bơh tài gơbàn. Bơh hơ̆ neh rơcang lài tìp, mblàng lơh loh nàng cau ngui đèng in git loh jơnau bơh tài khà đèng gơguh uă, mhar lơh niam wơl ală bơta ờ niam dilah geh, gàr niam broă ngui đèng ờdo ờdă, tềm pềr, geh cồng nha.

Cau mblàng K’Duẩn