VOV4.K’ho- Ƀộ Lao động- Thương ƀiñ mờ Xã hội gam ai jơnau đơs ală ƀộ, gah broă lơh dà lơgar nàng yal Thủ tướng Cíñ phủ in dan ơm rlô sa tềp bơhiàn mờ ơm rlô ngai sơn tờm dà lơgar nam 2023. Mùl màl, Ƀộ Lao động, Thương ƀiñ mờ Xã hội ai tơlik 2 rơndap broă lơh ơm rlô sa tềp bơhiàn nam 2023. Rơndap broă lơh dơ̆ 1: Ơm rlô 5 ngai jat jơnau ai, tàm hơ̆ geh 2 ngai ơm rlô lài mờ sa tềp mờ 3 ngai tơnơ̆ sa tềp, bal mờ 2 ngai rlô bơtơl ngai rlô pah poh, kờp jơh là 7 ngai tàm pơn jat sùm.

Rơndap broă dơ̆ 2: Ơm rlô 5 ngai jat jơnau ai, tàm hơ̆ rlô 1 ngai lài sa tềp mờ 4 ngai tơnơ̆ sa tềp, bal mờ 2 ngai rlô bơ tơl mờ 2 ngai rlô lồi poh, gơs 9 ngai rlô tàm pơn jat sùm. Tàm 2 rơndap broă do, Ƀộ Lao động- Thương ƀiñ mờ Xã hội dan rơ wah dơ̆ ơm rlô sa tềp Quý Mão nam 2023 jat rơndap broă sồ 1 nàng kờp jơh khà ngai ơm rlô tàm pơn jat sùm ờ jòng ir (kờp jơh là 7 ngai), mờ kung gàr ring niam tŭ tơngai ơm rlô lài mờ tŭ mờ tơnơ̆ tŭ sa tềp.

Cau mblàng K’Duẩn