VOV4.K’ho- Ngai 03/8, Đoàn khối mpồl lơh sa kă bro dà lơgar pơgồp bal mờ 2, 3 anih lơh broă, mpồl lơh broă lam lơh uă broă lơh gàr ờdo ờdă rài kis mpồl bơtiàn tàm càr Dăk Lăk. Ală mpồl neh sơn đờm lam lơh Hìu kờñ gơboh bal kòn bơnus ai hìu bơnhă bi H’Tuyếr Niê ơm tàm ƀòn Ea Sút, thị trấn Ea Pôč, kơnhoàl Cư Mgar; còp, pà phan Tiểu đoàn pơlam tàp- kơ động D19 (Mpồl ling sền gàr tiah nhàr dà lơgar càr Dăk Lăk); pà 45 bơnah priă dong kờl bơsram ai kơnòm bơsram jơi bơtiàn kòn cau dùl êt nă cau sơrlèt gan kal ke bơsram jak tàm xã tiah nhàr dà lơgar Krông Na, kơnhoàl Buôn Đôn; sơn đờm ai ngui mờ jàu 1 ƀlàng nhơl kơnòm dềt mờ pà 30 bơnah phan ai kơnòm dềt kòn đời, kơnòm dềt kuet kơlte tàm Anih tờm sền gàr dong kờl mpồl bơtiàn càr Dăk Lăk in.

Mpồl pà priă dong kờl bơsram ai kơnòm bơsram jơi bơtiàn kòn cau dùl êt nă cau sơrlèt gan kal ke bơsram jak in

Di dơ̆ do, Đoàn khối mpồl lơh sa kă bro dà lơgar kung jàu broă lơh ơruh pơnu “Cau kơnòm să Khối mpồl lơh sa kă bro dà lơgar lam lài tam gơl gơs sồ tiah tềl kah yau dà lơgar tơrñang Nam Tiến”.

Cau mblàng K’Duẩn