VOV4.K’ho- Drim ngai 08/09, tàm Hà Nội geh bơyai lơh “Drà broă lơh ai ơruh pơnu kuĕt kơlte in”. Do là broă lơh bơh Anih tờm drơng broă lơh Hà Nội pơgồp bal mờ Mpồl cau kuĕt kơlte ƀòn dờng dê bơyai lơh tàm tơngume rơndap broă lơh “Bơto pơlam  tam klăc bal rài tơnơ̆: Drà broă lơh ai ơruh pơnu cau kuĕt kơlte tàm mpồl ASEAN tàm Việt Nam”  bơh kes priă ASEAN dê dong kờl. Drà broă lơh ai ơruh pơnu kuĕt kơlte” geh rlau 40 mpồl lơh sa kă bro, Anih tờm bơto bơtê broă lơh tus bal sac rơwah cau lơh broă, sac rơwah rlau 1 rơbô 100 jơnau kờñ broă lơh mờ bơsram broă lơh.

Cau kuĕt kơl tê geh mpồl lơh sa kă bro bơto pơla, sac rơwah bơsram broă lơh, sac rơwah mŭt lơh broă

Tus mờ drà lơh broă, pah nam cau kuĕt kơlte tàm Hà Nội mờ ală càr, ƀòn dờng rềp bal geh yal bè broă bơsram broă lơh, bè drà cau lơh broă broă lơh- là tŭ niam nàng cau kuĕt kơlte in geh tơn ală cau sac rơwah lơh broă bơh broă lùp jơnau, yal tơngĭt broă lơh, lơh geh ală bơta bơsram broă lơh di pal mờ bơta chài mờ jat tàm khà kuĕt kơltê bơh să tờm dê.

Cau mblàng K’Hạnh