VOV4.K’ho- Ngai 26/09, Hội Cữ thập đỏ kơnhoàl Đăk Pơ, càr Gia Lai pơgồp bal mờ Mpồl Tác Động Xã Hội Australia (ASIF) tàm Việt Nam sền sơ wì, jàu 5 nơm tơrlung dà khuàng gơwèt rơndap broă lơh “Tơrlung dà sàng goh jàu ƀòn in” ai làng bol tàm kơnhoàl Đăk Pơ, càr Gia Lai in.

Dà sàng goh bơh broă lơh “Tơrlung dà sàng goh ai ƀòn in”

Jat hơ̆, 5 broă lơh tơrlung dà khuàng geh jàu tàm 5 ƀòn, gơwèt xã Yang Bắc, kơnhoàl Đăk Pơ. Priă tă lơh bơh 80 tus 120 tơlak đong tàm dùl broă lơh. Tàm dơ̆ jàu, kwang bàng Hội Cữ thập đỏ kơnhoàl mờ mpồl ASIF neh bơto pơlam làng bol broă mŭt ngui kung bè sền gàr tơrlung dà. Rơndap broă lơh “Tơrlung dà sàng goh ai ƀòn in” geh lam lơh bơh nam 2021 tus nam 2023 bơh mpồl ASIF pơgồp bal mờ Hội Cữ thập đỏ càr Gia Lai dê lơh, geh lam lơh dong kờl 200 nơm tơrlung dà khuàng tàm ù tiah càr Gia Lai dê.

VOV.VN - Cau mblàng K’Hạnh