VOV4.K’ho- Ủy ƀan Ñân zân càr Gia Lai pa ai lơh jat Broă rơndap lơh lơh jat Broă lơh jơnau kờñ dà lơgar Tơrmù rƀah kơ̆ kơljap tơngai bơh nam 2021-2025. Jơnau kờñ bơh Broă rơndap lơh là sơlơ tơnguh tơrmù rƀah tàm mpồl bơtiàn làng bol kòn cau dùl ết nă cau, dong kờl cau rƀah sơr lèt guh tus khà kis ết ngan rlau jơh mờ khà hìu bơnhă rƀah gơmù rlau 3 % pah nam. Lơh jat Broă lơh jơnau kờñ dà lơgar Tơrmù rƀah kơ̆ kơljap tơngai bơh nam 2021-2025, Gia Lai lơh ngan tơrmù khà hìu bơnhă rƀah bơh jơh gùt càr dê kờp bal 2% dùl nam mờ tơrmù khà hìu bơnhă rƀah tàm làng bol kòn cau dùl ết nă cau pah nam rlau 3%.

Ngui bơta măy mok pa tàm broă lơh sa dong làng bol tiah làng bol kòn cau dùl ết nă cau hời rơ hời lik klàs rƀah

Kung tàm tơngai do, broă lơh geh lam lơh 7 rơndap broă lơh, tàm hơ̆ geh ală rơndap broă lơh là: dong kờl bơcri priă bơtàu tơnguh phan bơna lơh sa- mpồl bơtiàn kơnhoàl rƀah; dong kờl bơtàu tơnguh lơh sa, lơh niam wơl bơta phan sa bơkah; bơtàu tơnguh bơto bơtê broă lơh, lơh broă kơ̆ kơljap; dong kờl hìu ơm ai hìu bơnhă rƀah, hìu bơnhă ndrờm bè rƀah tàm ù tiah ală kơnhoàl rƀah in; Broă lơh kờp jơh priă mŭt lơh rlau 905 tơmàn đong.

VOV Tây Nguyên- Cau mblàng K’Hạnh