VOV4.K’ho- Mho ngai 09/09, Ủy ƀan Ñân zân càr Gia Lai bơyai lơh tơn jơh 20 nam lam lơh jat broă càn priă cíñ sác xã hội gơwèt mờ cau rƀah mờ ală cau cíñ sác ndai jat Nghị địñ sồ 78 bơh Cíñ phủ dê.

Gia Lai: Rlau 225 rbô nă cau lik klàs bơh hìu bơnhă rƀah kơnờm khà priă càn dong kờl ờ să priă cồng uă

Lơh jat Nghị địñ sồ 78 bơh Cíñ phủ dê, 20 nam do, broă lơh bơh Ngân hàng cíñ sác xã hội neh lơh jơh tus 100% thôn, ƀòn, sơnah ƀòn tàm ù tiah càr Gia Lai dê mờ 220 anih lơh broă, rlau 3 rơbô 300 Mpồl tềm pềr mờ càn priă, pơgồp bơnah dong ai rlau 225 rơbô hìu bơnhă rƀah, hìu bơnhă drờm bè rƀah in brồ guh lik klàs rƀah kơ̆ kơljap. Neh geh rlau 783 rơbô 500 nă cau cíñ sác càn priă dong kờl ờ sa priă cồng uă bơtàu tơnguh lơh sa; 63 rơbô nă cau bơsram dờng geh rài kis kal ke geh càn priă bơsram sră; dong kờl lơh 14 rơbô nơm hìu ai hìu bơnhă rƀah in, lơh 212 rơbô broă lơh dà sàng goh mờ broă lơh kloh niam tiah ơm kis ƀòn lơgar. Tơngai bơh nam 2021-2025, càr Gia Lai sồr ală mpồl geh gơrềng pơn jat tai lam lơh jat geh cồng nha broă càn priă cíñ sác pơgồp bal mờ ală gùng dà pơlam bơh ală tiah dê bè tam gơl rơndap tap sèng lơh sa, bơt bơtàu ƀòn lơgar pa.

Cau mblàng K’Hạnh