VOV4.K’ho- Lam lơh broă lơh ai càn priă tàm Broă lơh Bơtàu tơnguh ươl mờ bơtàu tơnguh lơh sa- mpồl bơtiàn jat Nghị quyết sồ 11 ngai 30/01/2022 bơh Cíñ phủ dê, sơnĕ Ngân hàng Cíñ sác xã hội càr Gia Lai neh bơyai lơh ală dơ̆ lơh sră nàng di tŭ tă priă bơcri tus tê làng bol.

Priă càn jat Nghị quyết sồ 11 neh pơgồp bơnah dong làng bol bơtàu tơnguh wơl lơh sa

Lam lơh Broă lơh bơtàu tơnguh wơl mờ bơtàu tơnguh lơh sa- mpồl bơtiàn jat Nghị quyết sồ 11 bơh Cíñ phủ dê, dơ̆ do, Ngân hàng Cíñ sác xã hội càr Gia Lai geh tam pà rlau 100 tơmàn đông nàng lam lơh 3 broă lơh: Ai càn dong kờl broă lơh; ai càn gơ wèt tus mờ kơnòm bơsram, cau bơsram dờng mờ ai càn bè hìu ơm mpồl bơtiàn. Tŭ do, ală tiah gam mhar lam lơh di tŭ ai priă càn dong kờl tus mờ làng bol.

Cau mblàng K’Duẩn