VOV4.K’ho- Tơnơ̆ 2 ngai lam lơh, ngai 11/05, Hội Cữ Thập đỏ càr Gia Lai pơgồp bal mờ mpồl ASIF (Australia Social Impact Foundation) tàm Việt Nam bơyai lơh tàm jàu 39 broă lơh “Dà tơrlung sàng kloh jàu ƀòn in” ai 3 nă làng bol tàm 3 kơnhoàl: Ia Grai, Chư Prông, Chư Păh càr Gia Lai dê.

Tàm jàu broă lơh dà sàng kloh ai làng bol ƀòn Jut xã Ia Phi, kơnhoàl Chư Pah in

Jat hơ̆, tơl broă lơh tàm hơ̆ geh: Sơn tèk drơng dà 3 rơbô lĭt, măy ƀồm dà, ƀlàng mờ ală phan drơng broă ndai. Priă lơh bơh 80 tus 120 tơlak đong dùl broă lơh. Do là broă lơh tàm tơngume Rơndap broă lơh “Dà tơrlung sàng kloh jàu ƀòn in” geh lam lơh  jat tơngai bơh nam 2021-2023. Rơndap broă lơh nàng kờñ lơh geh ală bơta ƀuơn bè dà ngui sa pah ngai ai làng bol in, ngan là tàm ală tiah sar lơgar ngài, tiah làng bol kòn cau pơgồp bơnah tơnguh niam rài kis làng bol dê.

Cau mblàng K’Hạnh