VOV4.K’ho - Tàm Hà Nội pa geh bơyai lơh pơrjum kĭ hơ lơh broă bal đah Họk viện Cíñ trị dà lơgar Hồ Chí Minh mờ Ủy ƀan Zân tộk tơngai bơh nam 2021 tus 2025.

                       Dơ̆ kĭ hơ bal đah Họk viện Cíñ trị Dà lơgar Hồ Chí Minh mờ Ủy ƀan Zân tộk

 Jăt broă kĭ hơ lơh broă bal, Họk viện Cíñ trị Dà lơgar Hồ Chí Minh bơyai lơh bơto ală tơngu me bơtơl jơnau ngăc ngar kòn cau ai kwang bàng đơng lam, atbồ gơwèt mpồl cau khà 1 mờ cau khà 2 gơwèt ală anih lơh broă Dà lơgar; lơh jăt broă bơto pơgồp bal tàm ală broă bơto, bơtơl jơnau ngăc ngar kòn cau ai kwang bàng đơng lam, atbồ tàm ală càr, ƀòn dờng in. Bơyai lơh bơto ală tơngu me bơtơl bè jơnau git wă kòn cau ai kwang bàng đơng lam, atbồ, kông cứk, viên cứk gam bơsram jăt broă lơh dờng Lý luận cíñ trị mờ ai sră dờp neh jơh bơsram cau bơsram in. Tam gơl jơnau tơngit, sră nggal mờ ală pang sră drơng tàm broă lơh jăt kơnòl cíñ trị bơh Đảng mờ Dà lơgar jào ai bàr gah in gơrềng bal tus mờ broă kòn cau; Tam pà bal ală cồng nha kơlôi sơnơng pa tàm lơgar mờ lơgar bơdìh gơrềng tus mờ broă kòn cau.

Cau mblàng Ndong Brawl