Tàm hơ̆ pal sền ngăc ngan là Kơrnoăt tam gơl mờ tam pà mờ lam lơh broă rơndăp lơh priă bơcri bơtàu tơnguh ai bơh kes priă Dà lơgar mờ kes priă càr lơh jăt Broă lơh jơnau kờñ dà lơgar tơrmù rƀah kơ̆ kơl jăp, broă rơndăp lơh nam 2022; Kơrnoăt tam pà broă rơndăp lơh priă bơcri bơtàu tơnguh ai bơh kes priă Dà lơgar tơngai 05 nam bơh nam 2021- 2025 lơh jăt broă lơh Rơndăp broă lơh bơnah sồ 2, 4, 5, 6, 10 gơwèt Broă lơh jơnau kờñ dà lơgar bơtàu tơnguh lơh sa- mpồl bơtiàn tiah làng bol kòn cau mờ tiah kơh bơnơm ai ală anih lơh broă, mpồl lơh broă mờ ƀòn lơgar in.

Đơs tơn jơh dơ̆ pơrjum, mò Huỳnh Thị Chiến Hoà, Củ tịc Hội đồng Ñân zân càr Dăk Lăk đơs là, ală kơrnoăt geh ring bal là ală kơrnoăt kwơmàng, nàng kờñ lơh jăt ngan ngồn gùng dà broă lơh, adat boh lam Dà lơgar dê dipal mờ bơta geh ngan bơh càr dê, lơh geh cơng tàng adat boh lam nàng ală kâp, ală ngàñ in lam lơh jăt. Kwơmàng là kơrnoăt bè broă lơh jơnau kờñ dà lơgar nam 2022 mờ tơngai bơh nam 2021- 2025.