Jàu pà broă lơh “Sòl àng tiah nhàr dà lơgar” tàm xã nhàr lơgar Ia Lốp
Thứ bảy, 10:08, 03/12/2022
Cau mblàng K'Duẩn/ VOV Tây Nguyên
Cau mblàng K'Duẩn/ VOV Tây Nguyên
VOV4.K'Ho - Ngai 01/12, Pôs ling sền gàr tiah nhàr dà lơgar Ea H’Leo (Mpồl ling sền gàr tiah nhàr dà lơgar càr Dăk Lăk) bơyai lơh sơn đờm ai ngui broă lơh “Sòl àng tiah nhàr dà lơgar” tàm xã tiah nhàr lơgar Ia Lốp, kơnoàl Ea Súp, càr Dăk Lăk.
Broă lơh kờp priă 70 tơlak đông, geh jrong lòs mờ 40 nơm ƀong đèng ngui năng lượng măt tơngai tàm gơl gùng 2 kơi sồ. Do là broă lơh “Sòl àng tiah nhàr dà lơgar” dơ̆ 4 bơh Pôs ling sền gàr tiah nhàr dà lơgar Ea H’Leo pơgồp bal mờ mpồl lơh broă niam NDG (ƀòn dờng Hồ Chí Minh) lơh tàm xã Ia Lốp.
Kung tàm ngai 01/12, Pôs ling sền gàr tiah nhàr dà lơgar Ea H’Leo mờ mpồl lơh broă niam NDG neh jàu pà 40 bơnah phan, tơl bơnah phan kờp priă 150 rbô đông ai ală hìu bơnhă geh rài kis kal ke tàm xã Ia Lốp. Di dơ̆ do, Gah đơng lam Mpồl ling sền gàr tiah nhàr dà lơgar càr Dăk Lăk jàu pà 100 nơm bồng bi dà lơgar ai làng bol in.
Viết bình luận