VOV4.K’ho- Gờm chờ pơrjum dờng cau ala mat cau ùr gùt lơgar dơ̆ 13, tơngkah kir sơnrai 112 nam ngai dunia cau ùr 08/3, ngai 03/3 neh geh lơh broă lơh jờng rơ cau ùr ling klàng pơn rơ jak.

Gàr kơ̆ mờ tơnguh bơhiàn ờs mờng bơh cau ùr Việt Nam khin cha jak chài dê, tơngai bơh nam 2012 tus nam 2022, cau ùr ling klàng ngai sơlơ lơh ngan bơsram, pơlam tàp, pơn đơl pràn. Đơs tàm dơ̆ bơyai lơh, Đại tướng Lương Cường, Ủy viên Ƀộ Cíñ trị, Kwang atbồ Tổng kụk Cíñ trị ling klàng làng bol Việt Nam nting bơr gờm chờ 378 nă ùr ling klàng pơn rơ jak geh jờng rơ mờ pơyua jơnau lùp còp tus rlau 93 rbô nă cau ùr gam lơh broă, bơsram tàm jơh gùt ling klàng. Cau ùr ling klàng geh mat tàm ală pôs ling, tàm làm gùt ù tiah dà lơgar, tàm hơ̆ geh uă gah broă lơh krơi is bè tus bal mpồl sền gàr ring lơngai bơh Liên hợp quôk dê, pơlam tàp mờ rơcang lài tam lơh, lơh gơlik phàu crong... sơlơ tàm ală tiah kal ke, bòl glar den sơlơ geh uă tă pơgồp, phi să bơh cau ùr ling klàng dê.

Cau mblàng K’Duẩn