VOV4.K’ho- Drim ngai 19/07, Ủy ƀan Ñân zân càr Kon Tum bơyai lơh Pơrjum jờng rơ cau geh màng mờ dà lơgar pơnrơ mờ xã, sơnah ƀòn lơh niam broă lơh Cau ling sồt să- Cau ling chơ̆t màng. Tus Pơrjum geh 101 nă cau geh màng mờ dà lơgar pơnrơ mờ cau ala măt ală xã, sơnah ƀòn lơh niam broă lơh Cau ling sồt să- Cau ling chơ̆t màng.

Jơh gùt càr Kon Tum geh rlau 50 rbô 600 nă cau neh mờ gam dờp bơta dong kờl bơh dà lơgar dê, tus tơngai tŭ do, gam rlau 5 rbô 100 nă cau gam dờp bơta dong kờl pah nhai. 05 nam do, broă lơh jăt broă dong kờl cau geh màng mờ dà lơgar in geh ală kâp, ală gah tàm càr jơh nùs lam lơh jăt mờ lơh geh uă cồng nha ngan ngồn tơngŏ bơta kah rơngal gơwèt mờ ală cau khin cha jak chài chơ̆t màng, cau pròc mhàm cau ling chơ̆t màng, cau geh màng mờ kăc màng. Càr neh lời rlau 51 tơmàn đong bơcri priă, lơh niam wơl mờ lơh ơnàng 21 broă lơh cih dà kơlhề cau ling chơ̆t màng dê.

Cau mblàng Lơ Mu K’Yến